For Quick Alerts
    ALLOW NOTIFICATIONS  
    For Daily Alerts

    രാവണിന്റെ തിളക്കത്തില്‍ പൃഥ്വിരാജ്

    By Lakshmi
    |

    Prithvi and Ash in Raavanan
    മണിരത്‌നത്തിന്റെ മള്‍ട്ടി സ്റ്റാര്‍ ചിത്രം രാവണിന്റെ ആവേശത്തിലാണ് യുവനടന്‍ പൃഥ്വിരാജ്. ചിത്രത്തിന്റെ തമിഴ് പതിപ്പില്‍ ഐശ്വര്യയുടെ നായകനായി അഭിനയിച്ച പൃഥ്വി രാവണ്‍ അനുഭവങ്ങളെക്കുറിച്ച് വാചാലനാകുന്നു.

    മണിരത്‌നത്തിന്റെ രാവണന്‍ എന്ന ചിത്രത്തില്‍ അഭിനയിക്കാന്‍ കഴിഞ്ഞത് വലിയ ഭാഗ്യവും അംഗീകാരവുമാണെന്ന് പൃഥ്വിരാജ്. രാവണനില്‍ അഭിനയിക്കാന്‍ മണിരത്‌നം വിളിച്ചപ്പോള്‍ അതിത്രയും വലിയ ഒരു കഥാപാത്രമായിരിക്കുമെന്ന് അറിഞ്ഞില്ലെന്നും താരം പറഞ്ഞു.

    ആദ്യം തന്നെ അദ്ദേഹം എനിക്ക് ഈ ചിത്രത്തിന്റെ വണ്‍ ലൈന്‍ പറഞ്ഞു തന്നു. അപ്പോഴാണ് സിനിമയിലെ ഒരു പ്രധാന കഥാപാത്രമാണെന്ന് എനിക്ക് മനസിലായത്. ഞാന്‍ എന്റെ കരിയറില്‍ എന്നെങ്കിലും സംഭവിക്കുമെന്ന് കരുതിയിരുന്ന ഒന്നാണ് ഒരു മണിരത്‌നം സിനിമ. അത് ഇത്രയും വേഗത്തില്‍ സാധിച്ചതില്‍ മണി സാറിനോട് എനിക്ക് നന്ദിയുണ്ട്- പൃഥ്വി പറയുന്നു.

    ഈ സിനിമയില്‍ ഏത് റോള്‍ ലഭിച്ചിരുന്നെങ്കിലും ഞാന്‍ അഭിനയിക്കുമായിരുന്നു. ഒരു മണിരത്‌നം ഷോട്ടില്‍ ഉള്‍പ്പെടുകയായിരുന്നു എന്റെ ലക്ഷ്യം. രാവണന്‍ എന്നത് ഒരു വേള്‍ഡ് സിനിമയാണ്. അത് ലോകമെമ്പാടും റിലീസ് ചെയ്തു.

    ലണ്ടനിലൊക്കെ ഈ സിനിമ കണ്ട് വിദേശികള്‍ അത്ഭുതപ്പെട്ടു. ഇന്ത്യന്‍ സിനിമ ഇന്ന് എത്തിപ്പെട്ടിരിക്കുന്ന ഹൈറ്റ്‌സ് അവരെ വിസ്മയിപ്പിക്കുകയായിരുന്നു- പൃഥ്വിരാജ് ഇപ്പോഴും രാവണന്റെ ലണ്ടന്‍ പ്രീമിയറിന്റെ ആവേശത്തിലാണ്.

    ഐശ്വര്യ റായ്, അഭിഷേക് ബച്ചന്‍, വിക്രം എന്നിവരോടൊപ്പം 200 ദിവസത്തിലധികം ഒരുമിച്ച് പ്രവര്‍ത്തിക്കാനായത് നല്ലൊരു അനുഭവമായിരുന്നു. എന്റെ അഭിനയജീവിതത്തില്‍ ഇതെല്ലാം എനിക്ക് മുതല്‍ക്കൂട്ടാണ്. മലയാളത്തിലെ അഭിനയ പരിചയമാണ് എന്നെ രാവണ്‍ ചെയ്യാന്‍ പ്രാപ്തനാക്കിയത്- പൃഥ്വിരാജ് പറഞ്ഞു.

    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X