»   » മോഹന്‍ലാല്‍ തിങ്കളാഴ്ച വിശദീകരണം നല്‍കും

മോഹന്‍ലാല്‍ തിങ്കളാഴ്ച വിശദീകരണം നല്‍കും

Posted By:
Subscribe to Filmibeat Malayalam
Mohanlal
ആദായനികുതി വകുപ്പിന്റെ റെയ്ഡില്‍ കണ്ടെത്തിയ കാര്യങ്ങളില്‍ വിശദീകരണം നല്‍കാന്‍ നടന്‍ മോഹന്‍ലാല്‍ തിങ്കളാഴ്ച ഉദ്യോഗസ്ഥര്‍ക്കു മുമ്പാകെ ഹാജരാകും. ബ്ലെസി ചിത്രമായ പ്രണയത്തിന്റെ ഷൂട്ടിങ് നടക്കുന്ന രാമേശ്വരത്തുനിന്നാണ് ലാല്‍ കൊച്ചിയില്‍ എത്തുക. വിശദീകരണം നല്‍കിയശേഷം തൊട്ടടുത്തദിവസം സത്യന്‍ അന്തിക്കാടിന്റെ ചിത്രത്തിന്റെ ഷൂട്ടിങ്ങിനായി പോകും. ലാലിന് രാമേശ്വരത്തും പരിസരത്തും നടക്കുന്ന ഷൂട്ടിങ് പൂര്‍ത്തിയാക്കാന്‍ അധികൃതര്‍ അവസരം നല്‍കുകയായിരുന്നു.

വെള്ളിയാഴ്ച റെയ്ഡ് നടന്ന ദിവസംതന്നെ അന്വേഷണങ്ങളുമായി സഹകരിക്കുമെന്ന് മമ്മൂട്ടിയും മോഹന്‍ലാലും അറിയിച്ചിരുന്നു. തുടര്‍ന്ന് ചെന്നൈയിലായിരുന്ന മമ്മൂട്ടി കൊച്ചിയിലെത്തി അന്വേഷണ ഉദ്യോഗസ്ഥര്‍ക്കു മുമ്പാകെ ഹാജരായിരുന്നു.

അതിനിടെ സൂപ്പര്‍താരങ്ങളുടെ വസതികളിലും സ്ഥാപനങ്ങളിലും റെയ്ഡ് നടത്തിയ ആദായനികുതി വകുപ്പ് അധികൃതര്‍ തിങ്കളാഴ്ച ഇതുസംബന്ധിച്ച ഔദ്യോഗിക കുറിപ്പ് ഇറക്കും. ഇരുവരുടെയും സ്വത്തും ലഭ്യമായ രേഖകളും തമ്മില്‍ പൊരുത്തക്കേടുകള്‍ ഉണ്ടെന്ന നിഗമനത്തിലാണ് അധികൃതര്‍ എത്തിയതെങ്കിലും ഇക്കാര്യം ഔദ്യോഗികമായി സ്ഥിരീകരിച്ചിരുന്നില്ല.

വെള്ളിയാഴ്ച മുതല്‍ ശനിയാഴ്ച പുലര്‍ച്ചെവരെ നീണ്ട റെയ്ഡില്‍ ലഭ്യമായ രേഖകളുടെയും സ്വത്തുവിവരങ്ങളുടെയും മൂല്യ നിര്‍ണയവും മറ്റുമാണ് ഇപ്പോള്‍ നടക്കുന്നത്. ഇത് തിങ്കളാഴ്ച വൈകുന്നേരത്തിനകം പൂര്‍ത്തിയാക്കാനാവുമെന്നാണ് അധികൃതര്‍ കരുതുന്നത്.

English summary
While Mammootty air dashed from Chennai to here to depose before the IT sleuths, Mohanlal is expected to appear before them Monday
Please Wait while comments are loading...

Malayalam Photos

Go to : More Photos