»   » വാത്മീകിയുമായി മീര

വാത്മീകിയുമായി മീര

Subscribe to Filmibeat Malayalam
Meera Nandan
തമിഴിലെ പ്രശസ്‌തമായ ആനന്ദവികടന്‍ വാരികയുടെ രണ്ടാമത്തെ ചലച്ചിത്ര സംരഭമായ വാത്മീകി തിയറ്ററുകളിലേക്ക്‌. ടിവി സീരിയല്‍ രംഗം കീഴടക്കിയതിന്‌ ശേഷം ചലച്ചിത്ര രംഗത്തേക്ക്‌ ചുവടുവെച്ച ആനന്ദവികടന്റെ ആദ്യ സിനിമയായ ശിവമനസ്സ്‌ തമിഴ്‌നാട്ടില്‍ സൂപ്പര്‍ ഹിറ്റായിരുന്നു.

നവാഗതനായ അനന്തനാരായണനാണ്‌ വാത്മീകിയുടെ സംവിധാനവും തിരക്കഥയും സംഭാഷണവും നിര്‍വഹിച്ചിരിയ്‌ക്കുന്നത്‌. സൂപ്പര്‍ സംവിധായകന്‍ ശങ്കറിന്റെ സഹായിയി പ്രവര്‍ത്തിച്ചതിന്റെ അനുഭവസമ്പത്തുമായാണ്‌ അനന്തനാരായണന്‍ വാത്മീകി ഒരുക്കിയിരിക്കുന്നത്‌.

രാമായാണത്തിലെ വാത്മീകിയുടെ കഥയെ ആസ്‌പദമാക്കി തന്നെയാണ്‌ സിനിമയും ഒരുക്കിയിരിക്കുന്നത്‌. കല്ലൂരി ഫെയിം അഖില്‍ നായകനായ വാത്മീകിയില്‍ രണ്ട്‌ നായികമാരാണുള്ളത്‌. രണ്ട്‌ പേരും മലയാളികളാണെന്ന പ്രത്യേകതയും വാത്മീകിയ്‌ക്ക്‌ സ്വന്തമാണ്‌.

മലയാളത്തിലെ മുന്‍നിര നടിമാരിലൊരാളായി മാറിയ മീരാ നന്ദനും ശ്രുതി നായരുമാണ്‌ ചിത്രത്തിലെ നായികമാര്‍. ദേവികയെന്ന പേരിലാണ്‌ ശ്രുതി നായര്‍ തമിഴില്‍ അഭിനയിക്കുന്നത്‌. ചിത്രത്തില്‍ ആവോളം ഗ്ലാമര്‍ പ്രദര്‍ശിപ്പിച്ചു കൊണ്ട്‌ കോളിവുഡിലെ ഗ്ലാമര്‍ റാണിമാരിലൊരാളാകാനുള്ള ശ്രമത്തിലാണ്‌ ദേവിക.

വാത്മീകിയിലെ മറ്റുള്ള താരങ്ങളെല്ലാം പുതുമുഖങ്ങളാണ്‌. വാലി എഴുതിയ വരികള്‍ക്ക്‌ സംഗീതം പകര്‍ന്നിരിയ്‌ക്കുന്നത്‌ ഇളയരാജയാണ്‌. അടുത്ത മാസം വാത്മീകി പ്രദര്‍ശനത്തിനെത്തിയ്‌ക്കാനാണ്‌ തീരുമാനിച്ചിരിയ്‌ക്കുന്നത്‌.

Please Wait while comments are loading...

Malayalam Photos

Go to : More Photos

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam