അഞ്ച് സുന്ദരിമാരുമായി പൃഥ്വിയുടെ മാസ്റ്റേഴ്‌സ്

By Ajith Babu

| Published: Wednesday, June 29, 2011, 15:34 [IST]

ആക്ഷന്‍ റോളുകളില്‍ നിന്നും കോമഡി ട്രാക്കിലേക്ക് ചുവടുമാറ്റുന്നതിന്റെ തിരക്കിലാണ് യങ് സ്റ്റാര്‍ പൃഥ്വിരാജ്. കോമഡി സിനിമകളുടെ ഉസ്്താദായ ജോണി ആന്റണി സംവിധാനം ചെയ്യുന്ന മാസ്‌റ്റേഴ്‌സിന് വേണ്ടി പൃഥ്വി കരാറൊപ്പിട്ടതും ഈ ഉദ്ദേശത്തില്‍ തന്നെയാണ്.

ഷൂട്ടിങ് പുരോഗമിയ്ക്കുന്ന തേജാഭായി ആന്റ് ഫാമിലിയ്ക്ക് ശേഷം പൃഥ്വി അഭിനയിക്കുന്ന ഈ കോമഡി ചിത്രത്തില്‍ അഞ്ച് നായികമാരാണുള്ളത്. അനന്യയും ഗോവ ഫെയിം പിയയും നായികമാരായി ഉണ്ടാവുമെന്ന് ഉറപ്പായിട്ടുണ്ട്. മറ്റു മൂന്ന് നടിമാര്‍ക്ക് വേണ്ടിയുള്ള അന്വേഷണം പുരോഗമിയ്ക്കുകയാണ്.

ജിനു എബ്രഹാം തിരക്കഥയൊരുക്കുന്ന ചിത്രത്തില്‍ കോളിവുഡിലെ നടനും സംവിധായകനുമായ ശശികുമാറും പ്രധാനവേഷത്തില്‍ അഭിനയിക്കുന്നുണ്ട്.