ദേശീയ പുരസ്‌കാരം; മലയാളത്തിന്റെ അഭിമാനം ഉയര്‍ത്തി പത്തേമാരിയും മൊയ്തീനും

63 ആമത് ദേശീയ പുരസ്‌കാരം പ്രഖ്യാപിച്ചു. ഇന്ത്യന്‍ സിനിമയില്‍ ചരിത്രമെഴുതിയ ബാഹുബലി തന്നെ മികച്ച ചിത്രം. പികു എന്ന അഭിനയത്തിലൂടെ അമിതാഭ് ബച്ചന്‍ മികച്ച നടനായും തനു വേഡ്‌സ് മനു എന്ന ചിത്രത്തിലൂടെ കങ്കണ മികച്ച നടിയുമായി. ബാജിറാവു മസ്താനി ഒരുക്കിയ സഞ്ജയ് ലീല ബന്‍സാലിയാണ് മികച്ച സംവിധായകന്‍.

മികച്ച ചലച്ചിത്ര സൗഹൃദ സംസ്ഥാനമായി ഗുജറാത്ത് തിരഞ്ഞെടുക്കപ്പെട്ടു. ഈ വര്‍ഷം ഉള്‍പ്പെടുത്തിയ ഈ വിഭാഗത്തില്‍ ആദ്യത്തെ പുരസ്‌കാരം നേടുന്നു എന്ന ഘ്യാതി ഇതോടെ ഗുജറാത്തിനായി. ഈ വിഭാഗത്തില്‍ ഉത്തര്‍ പ്രദേശിനും കേരളത്തിനും പ്രത്യേക പരമാര്‍ശം ലഭിച്ചു. പുരസ്‌കാരത്തിന്റെ തിളക്കം തട്ടിയത് ബാജിറാവു മസ്താനിക്കാണ്. എട്ട് പുരസ്‌കാരങ്ങളാണ് വിവിഘ വിഭാഗത്തില്‍ ചിത്രം നേടിയത്.

ദേശീയ പുരസ്‌കാരത്തിലെ മലയാളത്തിളക്കം, ജയസൂര്യയും ഗൗരവും, മൊയ്തീനും പത്തേമാരിയും കാത്തു

സലീം അഹമ്മദ് സംവിധാനം ചെയ്ത പത്തേമാരിയാണ് മലയാളത്തിലെ മികച്ച ചിത്രം. എന്ന് നിന്റെ മൊയ്തീന്‍ എന്ന ചിത്രത്തിലെ കാത്തിരുന്ന് കാത്തിരുന്ന് എന്ന പാട്ടിന് ഈണം നല്‍കിയ എം ജയചന്ദ്രനാണ് മികച്ച സംഗീത സംവിധായകന്‍. മികച്ച ബാലതാരത്തിനുള്ള പുരസ്‌കാരം ബെന്‍ എന്ന ചിത്രത്തിലൂടെ ഗൗരവ് മേനോന്‍ സ്വന്തമാക്കി. ജയസൂര്യക്ക് സ്‌പെഷ്യല്‍ ജൂറി പരമാര്‍ശം ലഭിച്ചു.