പൃഥ്വിരാജിന്റെ കൊലമാസ്! സയന്‍സ് ഫിക്ഷന്‍ ഹൊറര്‍ ത്രില്ലര്‍ ഗംഭീരമാക്കി, കളക്ഷന്‍ റിപ്പോര്‍ട്ടിങ്ങനെ

സയന്‍സ് ഫിക്ഷന്‍ ഹൊറര്‍ ത്രില്ലര്‍

മലയാളത്തില്‍ ആദ്യമായി നിര്‍മ്മിച്ച സയന്‍സ് ഫിക്ഷന്‍ ഹൊറര്‍ ത്രില്ലര്‍ ചിത്രമാണ് 9. നടന പൃഥ്വിരാജ് നായകനായെത്തിയ ചിത്രം ഒരു അച്ഛനും മകനും തമ്മിലുള്ള വൈകാരിക ബന്ധം ഇതിവൃത്തമാക്കിയാണ് ഒരുക്കിയത്. 100 ഡെയ്‌സ് ഓഫ് ലവ് എന്ന ചിത്രത്തിന് ശേഷം ജെനൂസ് മുഹമ്മദ് തിരക്കഥ ഒരുക്കി സംവിധാനം ചെയ്ത സിനിമ പൃഥ്വിരാജിന്റെ പുതിയ നിര്‍മാണ കമ്പനി സോണി പിക്‌ചേഴ്‌സുമായി ചേര്‍ന്നിട്ടാണ് ഈ ചിത്രം നിര്‍മ്മിച്ചിരിക്കുന്നത്. ഹൊറര്‍, സയന്‍സ് ഫിക്ഷന്‍, സൈക്കോളജിക്കല്‍, ത്രില്ലര്‍ തുടങ്ങി ് പുതിയതും വേറിട്ടതുമായ അനുഭവങ്ങളാണ് 9 പ്രേക്ഷകര്‍ക്ക് സമ്മാനിച്ചിരിക്കുന്നത്.

വിജയത്തിലേക്ക് എത്തിയില്ല..

വമ്പന്‍ പ്രതീക്ഷകളുമായി എത്തിയതാണെങ്കിലും പ്രതീക്ഷിച്ച വിജയം നേടാന്‍ സിനിമയ്ക്ക് കഴിയാതെ പോയിരിക്കുകയാണ്. ബിഗ് ബജറ്റിലൊരുക്കിയ ചിത്രത്തിന് തിയറ്ററുകളില്‍ നിന്നും മുടക്ക് മുതല്‍ സ്വന്തമാക്കാന്‍ കഴിഞ്ഞിട്ടില്ല. രണ്ടാഴ്ച പിന്നിടുമ്പോള്‍ കേരത്തിലെ തിയറ്ററുകളില്‍ നിന്ന് നിര്‍മാതാക്കളുടെ വിഹിതമായി 1.5 കോടിയ്ക്ക് താഴെ മാത്രം വരുന്ന തുകയാണ് സിനിമയ്ക്ക് ലഭിച്ചിട്ടുള്ളതെന്നാണ് ചില റിപ്പോര്‍ട്ടുകളില്‍ പറയുന്നത്.

വമ്പന്‍ റിലീസ്

കേരളത്തില്‍ 150 സ്‌ക്രീനുകളിലായിരുന്നു നയന്‍ റിലീസ് ചെയ്തത്. ആദ്യ നാല് ദിവസം കൊണ്ട് ആഗോളതലത്തില്‍ 8 കോടിയ്ക്ക് മുകളില്‍ സിനിമ നേടിയെന്ന് റിപ്പോര്‍ട്ടുകള്‍ വന്നിരിക്കുകയാണ്. കേരള ബോക്‌സോഫീസില്‍ 4.5 കോടി നേടിയെന്നാണ് കണക്കുകള്‍. ഇന്ത്യന്‍ സെന്ററുകളില്‍ നിന്നും 1.6 കോടിയും യുഎഇ, ജിസിസി സെന്ററുകളില്‍ നിന്നും 2.5 കോടിയും ചിത്രം നേടിയെന്നും ചില കണക്കുകള്‍ സൂചിപ്പിക്കുന്നു. അതേ സമയം ചിത്രത്തിന്റെ സാറ്റലൈറ്റ്, ഡിജിറ്റല്‍, ഓവര്‍സീസ് എന്നീ മേഖലകളില്‍ നിന്നും ചിത്രം മുടക്ക് മുതല്‍ തിരിച്ച് പിടിച്ചിരിക്കുകയാണെന്നാണ് സിനിമയുടെ അടുത്തവൃത്തങ്ങള്‍ പറയുന്നത്.

ലാഭം വന്നതിങ്ങനെ..

സിനിമയുടെ പബ്ലിസിറ്റി അടക്കം എട്ട് കോടി രൂപയായിരുന്നു ചിത്രത്തിന് ആകെ മുടക്ക് മുതല്‍ വേണ്ടി വന്നത്. തിയറ്റര്‍ കളക്ഷനില്‍ വലിയ സാമ്പത്തിക ലാഭം ലഭിച്ചിട്ടില്ലെങ്കിലും അതല്ലാതെ ബജറ്റിന്റെ ഏകദേശം തൊണ്ണൂറ് ശതമാനത്തോളം ഇതിനോടകം തിരിച്ച് പിടിച്ചിരിക്കുകയാണ്. ഇന്ത്യന്‍ ബോക്‌സോഫീസില്‍ നിന്നും ലഭിക്കുന്ന കളക്ഷന്‍ നിര്‍മാതാക്കള്‍ക്ക് ലാഭമായിരിക്കും. കൃത്യമായ മുന്നൊരുക്കത്തിന്റെയും പരിശ്രമത്തിന്റെയും തെളിവാണ് ഈ വിജയമെന്ന് അണിയറ പ്രവര്‍ത്തകര്‍ പറയുന്നത്. സിനിമയുടെ കേരള ബോക്‌സോഫീസിലെ കണക്കുകള്‍ കൃത്യമായി പുറത്ത് വന്നിട്ടില്ല.

പ്രദര്‍ശനം തുടരുന്നു

റിലീസിനെത്തി പതിനെട്ട് ദിവസങ്ങള്‍ കഴിയുമ്പോഴും കൊച്ചിന്‍ മള്‍ട്ടിപ്ലെക്‌സിലും തിരുവനന്തപുരം പ്ലെക്‌സിലും സിനിമ നല്ല രീതിയില്‍ പ്രദര്‍ശനം തുടരുകയാണ്. കൊച്ചിന്‍ മള്‍ട്ടിപ്ലെക്‌സില്‍ രണ്ട് ഷോ ആണ് ചിത്രത്തിന് ലഭിക്കുന്നത്. 18 ദിവസം കൊണ്ട് 39.86 ലക്ഷമാണ് ഇവിടെ നിന്നും സ്വന്തമാക്കിയിരിക്കുന്നത്.