ആദി അമ്പത് കോടി ക്ലബിലേക്ക് കടക്കുന്നു, പ്രണവിന് ഇനി ധൈര്യമായി സിനിമയില്‍ തുടരാമെന്ന് ആരാധകര്‍!

50 കോടി ക്ലബിലേക്ക്

ആദി 50 കോടി ക്ലബിലേക്ക് കടക്കുന്നുവെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. മോഹന്‍ലാലിന്‍റെയും പ്രണവിന്‍റെയും ആരാധകര്‍ ശരിക്കും ആഘോഷിക്കുകയാണ് ആദിയുടെ വിജയം. ബോക്സോഫീസില്‍ നിന്നും മികച്ച പ്രതികരണമാണ് ചിത്രം നേടിക്കൊണ്ടിരിക്കുന്നത്.

സിനിമാലോകം കാത്തിരുന്ന അരങ്ങേറ്റം

ബാലതാരമായി പ്രേക്ഷകരെ വിസ്മയിപ്പിച്ച അപ്പു നായകനായി അരങ്ങേറുന്നതിനായുള്ള കാത്തിരിപ്പിലായിരുന്നു സിനിമാലോകവും ആരാധകരും. റിലീസ് ചെയ്തപ്പോള്‍ തന്നെ മികച്ച പ്രതികരണവുമായി നിരവധി പേര്‍ രംഗത്തെത്തിയിരുന്നു.

ശക്തമായ ആരാധകപിന്തുണ

ആരാധക പിന്തുണയില്‍ ഏറെ മുന്നിലുള്ള താരമാണ് മോഹന്‍ലാല്‍. മകന്‍ നായകനായി അരങ്ങേറിയ സിനിമ റിലീസ് ചെയ്തപ്പോഴും മികച്ച പിന്തുണയാണ് ലഭിച്ചത്. ബോക്‌സോഫീസിലും അത് പ്രകടമായിരുന്നു.

അനായാസേന 50 കോടി കടക്കും

താരപുത്രനെന്നതിനും അപ്പുറത്ത് പ്രണവെന്ന തുടക്കകാരന് മികച്ച സ്വീകാര്യതയാണ് ലഭിക്കുന്നത്. ഇന്ത്യയ്ക്ക് പുറമെ വിദേശത്തും സിനിമ റിലീസ് ചെയ്തതോടെ അനായാസമായി ചിത്രം 50 കോടി ക്ലബിലെത്തുമെന്ന് ആരാധകര്‍ പ്രവചിച്ചിരുന്നു.

നിറഞ്ഞ സദസ്സുകളില്‍ പ്രദര്‍ശനം

റിലീസ് ചെയ്ത് 50 ദിനം പിന്നിടുന്നതിനിടയിലും നിറഞ്ഞ സദസ്സിലാണ് ആദി പ്രദര്‍ശിപ്പിക്കുന്നത്. ഇതിനോടകം തന്നെ ചിത്രം 5000 പ്രദര്‍ശനം പൂര്‍ത്തിയാക്കിയിട്ടുണ്ട്. ഇപ്പോഴും നിറഞ്ഞ സദസ്സുകളില്‍ ചിത്രം പ്രദര്‍ശിപ്പിക്കുന്നുണ്ട്.

മള്‍ട്ടിപ്ലക്‌സില്‍ നിന്നും മാത്രമായി

കൊച്ചി മള്‍ട്ടിപ്ലക്‌സില്‍ നിന്ന് മാത്രമായി ചിത്രം 50 ലക്ഷം സ്വന്തമാക്കിയിരുന്നു. ഫോറം കേരള പുറത്തുവിട്ട കണക്ക് പ്രകാരം ചിത്രം 11 ദിവസം പിന്നിടുന്നതിനിടയില്‍ കൊച്ചി മള്‍ട്ടിപ്ലക്‌സില്‍ നിന്ന് 66 ലക്ഷമാണ് നേടിയത്.

സാറ്റലൈറ്റ് റൈറ്റിനും റെക്കോര്‍ഡ് തുക

സിനിമയുടെ റിലീസിങ്ങ് പ്രഖ്യാപിക്കുന്ന സമയം മുതല്‍ സാറ്റലൈറ്റ് റൈറ്റിന് വേണ്ടിയുള്ള പോരാട്ടവും ആരംഭിക്കാറുണ്ട്. 6 കോടി മുടക്കി അമൃത ടിവിയാണ് ആദിയെ സ്വന്തമാക്കിയത്.