കുടുംബവിളക്ക് നായികയുടെ മുൻ ഭർത്താവ്, സിനിമാപ്രേമികളുടെ വേമ്പുലി, പ്രണയകഥ പറഞ്ഞ് ജോൺ കൊക്കൻ!

പിന്നീട് നടിയും തെലു​ങ്ക് ബി​ഗ് ​ബോസ് മത്സരാർഥിയുമായിരുന്ന മലയാളി പൂജ രാമചന്ദ്രനോടൊപ്പം ജോൺ കൊക്കന്റെ ജീവിതം ആരംഭിച്ചത്. ഇരുവരും ഇപ്പോൾ സിനിമയും കുടുംബ ജീവിതവുമായി സന്തോഷകരമായ ദാമ്പത്യ ജീവിതം നയിക്കുകയണ്. ഒരു കാലത്ത് മലയാള സിനിമയിൽ മസിൽ പെരുപ്പിച്ച് ഗുണ്ടായിസം കാട്ടി നായകന്റെ അടി വാങ്ങുന്ന സ്ഥിരം വില്ലനായിരുന്നു ജോൺ കൊക്കൻ. സിനിമയിലെ അനുഭവങ്ങളും ജിമ്മിൽ ആരംഭിച്ച പൂജയോടുള്ള പ്രണയവുമെല്ലാം വരാനിരിക്കുന്ന സിനിമാ വിശേഷങ്ങളെ കുറിച്ചുമെല്ലാം തുറന്ന് പറഞ്ഞിരിക്കുകയാണ് ബിഹൈൻവുഡ്സിന് നൽകിയ അഭിമുഖത്തിൽ ജോൺ കൊക്കൻ.

'മലയാള സിനിമയിലൂടെയാണ് അഭിനയം ആരംഭിച്ചത്. അതുകൊണ്ട് മലയാളത്തിൽ അവസരങ്ങൾ ലഭിക്കണമെന്ന് അതിയായ ആ​ഗ്രഹമുണ്ട്. ഒരുപാട് മലയാള സിനിമകളിൽ അഭിനയിച്ചിട്ടുണ്ട്. ചെയ്തതിൽ ഏറെയും തീവ്രവാദിയുടേയോ ​ഗുണ്ടയുടേയോ ഒക്കെയായിരുന്നു. അത് ചെയ്ത് മടുത്തു. ആ സമയങ്ങളിൽ നമ്മളോട് പറഞ്ഞ കഥാപാത്രമായിരുന്നില്ല സെറ്റിലെത്തുമ്പോൾ കിട്ടിയിരുന്നു. പറഞ്ഞ തുകപോലും തരാതെ പലരും മടക്കി അയച്ചിട്ടുണ്ട്. വേമ്പുലി എന്ന സർപാട്ട പരമ്പരൈയിലെ കഥാപാത്രം അപ്രതീക്ഷിതമായി ലഭിച്ചതാണ്. എന്റെ സുഹൃത്ത് വഴി പാ രഞ്ജിത്ത് സാറിനെ കണ്ടു. ബോക്സിങ് പോലുള്ള അഭ്യസിക്കണമായിരുന്നു. ആ സിനിമയ്ക്ക് വേണ്ടി രഞ്ജിത്ത് സാറും ബോക്സിങ് പഠിച്ചിരുന്നു. അതുകൊണ്ട് അദ്ദേഹത്തെ നമുക്ക് ഒരുതരത്തിലും പറ്റിക്കാൻ സാധിക്കുമായിരുന്നില്ല. ഞാൻ യോ​ഗ ചെയ്യുന്നത് കണ്ടിട്ടാണ് നടൻ ആര്യയും യോ​ഗ ചെയ്യാൻ ആരംഭിച്ചത്. മാത്രമല്ല അദ്ദേഹത്തിന്റെ സൈക്കിളിങ് ഇഷ്ടം ഞാൻ ഇപ്പോൾ ചെയ്യുന്നുണ്ട്' ജോൺ കൊക്കൻ പറയുന്നു.

ജോണിനെ കണ്ടുമുട്ടിയതിനെ കുറിച്ചും പ്രണയത്തിലായതിനെ കുറിച്ചും പൂജ രാമചന്ദ്രനും മനസ് തുറന്നു. 'ജിമ്മിൽ വെച്ചാണ് കണ്ടുമുട്ടിയത്. വരുന്നു വർക്കൗട്ട് ചെയ്യുന്നു തിരികെ പോകുന്നു. ഇതായിരുന്നു ജോണിന്റെ ജീവിതം. ആരോടും സംസാരിക്കില്ലായിരുന്നു. ഒരു ഹായ് പോലും പറയില്ലായിരുന്നു. പിന്നീട് ഞാൻ ഇത് ശ്രദ്ധിച്ച് അങ്ങോട്ട് പോയി മിണ്ടാൻ തുടങ്ങി. അങ്ങനെയാണ് സൗഹൃദം ആരംഭിക്കുന്നത്. ഞങ്ങളുടെ ഇഷ്ടങ്ങളെല്ലാം ഒന്നാണ് അടുത്ത സുഹൃത്തും നമ്മളെ നന്നായി അറിയുന്ന ഒരാളും നമുക്കൊപ്പം ഉള്ളത് വളരെ നല്ല കാര്യമായിട്ടാണ് എനിക്ക് തോന്നിയിട്ടുള്ളത്. ഇപ്പോൾ‌ ഞങ്ങൾ ഒരുമിച്ച് ഒരു വെബ് സീരിസും ചെയ്യുന്നുണ്ട്' പൂജ പറയുന്നു. കെജിഎഫ് ചാപ്റ്റർ 2 ആണ് ഇനി ജോൺ കൊക്കന്റേതായി റിലീസിനെത്താനുള്ള സിനിമ. വളരെ പ്രാധാന്യമുള്ള കഥാപാത്രമാണെന്നും ഒരുപാട് വലിയ താരങ്ങൾക്കൊപ്പം സ്ക്രീൻ പങ്കിടാൻ സാധിച്ചുവെന്നും ജോൺ കൊക്കൻ പറയുന്നു.