എന്നോട് രാജ്യം വിട്ടുപോകാന്‍ പറയാന്‍ ആര്‍ക്കാണ് അവകാശം, അവന്റെ മാത്രം രാജ്യമല്ല ഇന്ത്യ!

എല്ലാവര്‍ക്കും വ്യക്തിപരമായി രാഷ്ട്രീയമുണ്ടാകും

രാഷ്ട്രീയപരമായി എനിക്ക് ഇതുവരെ ഒരു മോശം അനുഭവം ഉണ്ടായിട്ടില്ല. എല്ലാവര്‍ക്കും വ്യക്തിപരമായി രാഷ്ട്രീയമുണ്ടാകും. മുമ്പൊക്കെ രാഷ്ട്രീയപരമായി എന്തെങ്കിലും പ്രതികരിച്ചാല്‍ അതിനോട് എതിര്‍പ്പുണ്ടെങ്കിലും പരസ്പരം ആളുകളെ ബഹുമാനിക്കും. പക്ഷേ ഇന്നതല്ല അവസ്ഥ. മനോരമ ഓണ്‍ലൈന് നല്‍കിയ അഭിമുഖത്തിലാണ് മാമുക്കോയ പറഞ്ഞത്.

അവന്റെ മാത്രം രാജ്യമല്ല ഇന്ത്യ

എന്നോട് രാജ്യം വിട്ട് പോകൂ.. എന്ന് പറയാന്‍ ആര്‍ക്കും അവകാശമില്ല. അവന്റെ മാത്രം രാജ്യമല്ലല്ലോ ഇന്ത്യ. അവന്റെയും എന്റെയുമാണ് ഇന്ത്യ. പൊതു ജനങ്ങളുടേതാണ് ഇന്ത്യ. മതത്തിന്റെയോ രാഷ്ട്രീയത്തിന്റെയോ അല്ല.

ഇത്തരം കാര്യങ്ങള്‍ ആര് പറഞ്ഞാലും വിവരക്കേടാണ്

എല്ലാ മക്കളുടേതാണ് ഇന്ത്യ. നേതാക്കളോ അണികളോ ആര് ഇത്തരം കാര്യങ്ങള്‍ പറഞ്ഞാലും അത് വിവരക്കേട് തന്നെയാണ്. മാമൂക്കോയ പറഞ്ഞു.

കമല്‍ എന്ത് തെറ്റാണ് ചെയ്തത്? അത് പറയട്ടെ

കമല്‍ എന്ത് തീവ്രവാദമാണ് ചെയ്തുവെന്ന് പറയുന്നത്. എങ്കില്‍ ആദ്യം അദ്ദേഹത്തിന് അത് പറഞ്ഞ് മനസിലാക്കി കൊടുക്കൂ. എന്നാലല്ലേ അദ്ദേഹത്തിന് അത് തിരുത്താന്‍ കഴിയുകയുള്ളു.

വിഘടിക്കാന്‍ ശ്രമിക്കരുത്

ജാതിയും മതവും മറന്ന് ജനങ്ങള്‍ അദ്ധ്വാനിച്ച് നേടിയതാണ് രാജ്യത്തെ സ്വാതന്ത്ര്യം. അത് വിഘടിപ്പിക്കാന്‍ ശ്രമിക്കരുത്. ഇത് നല്ല സൂചനയല്ല. വേദനയുണ്ടാക്കുന്നതാണ് ഇത്തരം കാര്യങ്ങള്‍.

വാസുവേട്ടന്‍ മലയാളികളുടെ സ്വകാര്യ അഹങ്കാരമാണ്

എംടിയുടെ രാജ്യ സ്‌നേഹത്തെ ചോദ്യം ചെയ്യാന്‍ ഒരു അധികാരവുമില്ല. വാസുവേട്ടന്‍ മലയാളികളുടെ സ്വകാര്യ അഹങ്കാരമാണ്.