Don't Miss!
- Finance ഹൃദയം തകർത്ത് സ്വർണം, പവന്റെ വില ആദ്യമായി 50,000 കടന്നു, ഒറ്റ രാത്രി കൂടുയത് 1,040 രൂപ
- Automobiles ഉഷ്ണം ഉച്ചിയിൽ അടിക്കേണ്ട! കൊടും ചൂടിൽ ഓട്ടോമാറ്റിക് എസിയുമായി വരുന്ന ബജറ്റ് എസ്യുവികൾ ഇവയൊക്കെ
- News രാഹുൽ ഗാന്ധി വയനാട്ടിലേക്ക്; പ്രചാരണം കൊഴുപ്പിക്കാൻ തടസമായി പണം, കോൺഗ്രസ് ഇതെങ്ങനെ മറികടക്കും?
- Sports IPL 2024: വേണ്ടത് 3 സിക്സര്, ചരിത്ര നേട്ടത്തിലേക്ക് റസല്; കോലിയെ കാത്ത് വമ്പന് റെക്കോഡ്
- Lifestyle Good Friday 2024: പള്ളികളിലെ മണിയൊച്ച നിലക്കും, മെഴുകുതിരി കത്തില്ല, കറുത്ത വസ്ത്രമണിയുന്ന ആ ദിനം
- Technology ഓഫർ പെരുമഴയല്ല സുനാമിയാണ്; എസ് 23 അൾട്രയ്ക്ക് 35,000 രൂപയുടെ ഡിസ്കൗണ്ടുമായി ഫ്ലിപ്പ്കാർട്ട്
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
'വിറങ്ങലിച്ചുപോയ നിമിഷം', മമ്മൂക്കയോടൊപ്പമുള്ള അനുഭവം പങ്കുവെച്ച് യുവതാരം
അടി കപ്യാരെ കൂട്ടമണി മുതൽ മലയാളികൾ ശ്രദ്ധിച്ച് തുടങ്ങിയ മുഖമാണ് ഇന്ന് യുവതാരങ്ങളിൽ പ്രശസ്തനായ നടൻ റോഷൻ മാത്യുവിന്റേത്. ചിത്രത്തിൽ പ്രേംരാജ് എന്ന ചെറിയ റോളിൽ തുടങ്ങി പുതിയ നിയമം മുതൽ യുവതാരനിരയിലേക്ക് റോഷൻ ഉയരുകയായിരുന്നു. ഇന്ന് അംഗീകാരങ്ങളുടെ നിറവിലാണ് താരം. ആര്യൻ എന്ന കഥാപാത്രമായിരുന്നു പുതിയ നിമയത്തിൽ റോഷൻ അവതരിപ്പിച്ചത്.
പിന്നീട് ആനന്ദം, ഒരായിരം കിനാക്കളാൽ, കൂടെ, മൂത്തോൻ, കപ്പേള, സി യു സൂൺ, വർത്തമാനം, ആണും പെണ്ണും, കുരുതി തുടങ്ങിയ ചിത്രങ്ങളിലൂടെ തന്നിലെ അഭിനയത്തികവ് റോഷൻ തെളിയിച്ച് തുടങ്ങി. പുതിയ നിയമത്തിലെ റോഷന്റെ വില്ലന് വേഷം മികച്ച അഭിപ്രായം നേടിയിരുന്നു.
തൊട്ടപ്പനിലെ ഇസ്മയിൽ, കപ്പേളയിലെ വിഷ്ണു, മുത്തോനിലെ കഥാപാത്രം എന്നിവയ്ക്കാണ് ആരാധകർ ഏറെയുള്ളത്. റോഷനെ നടൻ കൂടുതൽ ഇന്ത്യൻ സിനിമയ്ക്ക തന്നെ സുപരിചിതമായി തുടങ്ങിയത് മൂത്തോനിലെ അഭിനയത്തിലൂടെയാണ്. അത്രയും സങ്കീർണമായ റോൾ ചെയ്യാൻ ഉള്ള ചങ്കൂറ്റം റോഷന് നിരവധി അംഗീകാരങ്ങൾ നേടികൊടുത്തു. നിവിൻ-റോഷൻ കോംബോ സീൻസിന് നിരൂപക പ്രശംസയും ലഭിച്ചിരുന്നു. റോഷൻ ചെയ്തതിൽ കരിയർ ബെസ്റ്റ് കഥാപാത്രം ഒരുപക്ഷെ മൂത്തോനിലെ അണീർ തന്നെയായിരിക്കണം. ഗീതു മോഹൻദാസ് ആയിരുന്നു മൂത്തോൻ സംവിധാനം ചെയ്തത്. റോഷന്റേത് മാത്രമല്ല നിവിൻപോളിയുടെ കരിയറിൽ വലിയ പങ്കുവഹിച്ച ചിത്രമായിട്ടാണ് മൂത്തോൻ കണക്കാക്കപ്പെടുന്നത്.
മൂത്തോനിലെ അഭിനയശേഷം ബോളിവുഡിലും അഭിനയിക്കാനുള്ള അവസരങ്ങൾ റോഷനെ തേടിയെത്തിയിരുന്നു. അനുരാഗ് കശ്യപ് സംവിധാനം ചെയ്ത ചോക്ക്ഡ് എന്ന സിനിമയിലൂടെയായിരുന്നു റോഷന്റെ ബോളിവുഡ് അരങ്ങേറ്റം. റോഷന്റെ കഴിവുകൾ പരമാവധി ഉപയോഗിച്ചുകൊണ്ടാണ് അനുരാഗ് കശ്യപ് ചോക്ക്ഡ് ഒരുക്കിയത്. റോഷൻ ഇനി വരാൻ പോകുന്നത് വിക്രമിന്റെ കോബ്രയിലെ കഥാപാത്രത്തിലൂടെയാണ്. ഇപ്പോള് മമ്മൂട്ടിയുമായുള്ള സിനിമാ അനുഭവത്തെക്കുറിച്ച് ആരാധകരോട് സംസാരിച്ചിരിക്കുകയാണ് റോഷന് മാത്യു. ഒപ്പം മമ്മൂക്കയ്ക്കൊപ്പം പകർത്തിയ ചിത്രങ്ങളും റോഷൻ പങ്കുവെച്ചിട്ടുണ്ട്.
പുതിയ നിയമം സിനിമയിലെ ഒരു സീനിനായി മമ്മൂക്ക റോഷന്റെ തോളിൽ കൈവെച്ചപ്പോൾ വിറങ്ങലിച്ചുപോയി എന്നാണ് റോഷൻ കുറിച്ചത്. ഇന്ത്യൻ സിനിമയിലെ ഇതിഹാസത്തിനൊപ്പമുള്ള ഈ നിമിഷങ്ങൾ എന്നും പ്രിയപ്പെട്ടതായിരിക്കുമെന്നും റോഷൻ കുറിച്ചു. '2015 ഓഗസ്റ്റിലാണ് ഞാന് ആദ്യമായി ഫീച്ചര്ഫിലിമില് വര്ക്ക് ചെയ്യുന്നത്. ഒരു ഷോട്ടിന് വേണ്ടി മമ്മൂട്ടി സാര് എന്റെ തോളത്ത് കയ്യിട്ടപ്പോള് ഞാന് വിറങ്ങലിച്ചുപോയത് എനിക്ക് ഇപ്പോഴും ഓര്മയുണ്ട്. അതുകഴിഞ്ഞും കുറച്ച് നേരം കൂടി അദ്ദേഹം എന്റെ തോളത്ത് കയ്യിട്ട് നിന്നു. ശാന്തനായും ഒന്നും സംഭവിക്കാത്തതുപോലെയിരിക്കാനായി ഞാന് വളരെ അധികം ശ്രമിച്ചു. ഈ സിനിമയും ഈ ഇതിഹാസത്തിനൊപ്പമുള്ള അനുഭവവും എന്നും ഓര്മിക്കും...' എന്നായിരുന്നു റോഷൻ മാത്യുവിന്റെ വാക്കുകൾ.
Recommended Video
പുതിയ നിമയത്തിൽ മമ്മൂട്ടിയും നയൻതാരയുമായിരുന്നു നായികാ നായന്മാരായി എത്തിയത്. എ.കെ സാജനായിരുന്നു ചിത്രത്തിന്റെ സംവിധാനം. ഒരു വക്കീലിന്റെ വേഷത്തിലാണ് മമ്മൂട്ടി ചിത്രത്തിൽ എത്തിയത്. റോഷൻരെ കരിയറിലെ രണ്ടാമത്തെ ചിത്രമായിരുന്നു പുതിയ നിയമം. ചങ്ങനാശേരി സ്വദേശിയാണ് റോഷൻ. പഠനം പാതിവഴിയിൽ നിർത്തി അഭിനയം പഠിക്കാൻ ഇറങ്ങിതിരിക്കുകയായിരുന്നു. തീയറ്റർ ആർട്ടിസ്റ്റ് കൂടിയാണ് ഈ യുവതാരം. അവസാനമായി റിലീസിനെത്തിയ റോഷൻ സിനിമകൾ ആണും പെണ്ണും, കുരുതി എന്നിവയായിരുന്നു. കുരുതിയിലെ ഇബ്രാഹിം എന്ന കഥാപാത്രവും ഏറെ ശ്രദ്ധിക്കപ്പെട്ടിരുന്നു. പൃഥ്വിരാജാണ് ചിത്രത്തിൽ റോഷന് പുറമെ മറ്റൊരു പ്രധാന വേഷത്തിൽ എത്തിയത്. കുരുതി ഒടിടി റിലീസായിരുന്നു.
-
'വിശക്കുന്നു ലാലേട്ടാ, തലകറങ്ങി വീഴും'; ലാല്സലാം സെറ്റിലെ അനുഭവം പങ്കുവെച്ച് ഉര്വശി
-
'പ്രണവ് ഒരു ഡ്രിങ്ക് ഓഫര് ചെയ്തു... അങ്ങനെ വർഷങ്ങൾക്ക് ശേഷം അവനൊപ്പം ഒരു പെഗ്ഗടിച്ചു'; ധ്യാൻ ശ്രീനിവാസൻ
-
അവിവാഹിതയാണെന്ന് കരുതി കല്യാണാലോചന വന്നിട്ടുണ്ട്! ഇത്രയും മകനുള്ളത് അധികമാര്ക്കും അറിയില്ലെന്ന് പ്രസീത