സിനിമയിൽ അഭിനയിക്കണോ!! എന്റെ ആഗ്രഹം വേറെ, മഞ്ജുവിനെ ഞെട്ടിച്ച് കാര്‍ത്യായനി അമ്മ

മഞ്ജുവിന്റെ ദീപാലി സർപ്രൈസ്

കാർത്യായിനിയമ്മയോട് മുൻകൂട്ടി പറയാതെയായിരുന്നു മഞ്ജു എത്തിയത്. വീട്ടുകാരോട് മാത്രമാണ് ഇതിനെ കുറിച്ച് പറഞ്ഞിരുന്നത്. ചേർത്ത് പിടിച്ച് സെൽഫി എടുക്കുകയും ദീപവലി സമ്മാനമായി മുണ്ടും നേര്യതും മഞ്ജു സമ്മാനമായി നൽകുകയും ചെയ്തു. കൂടാകെ പരീക്ഷയിൽ മികച്ച വിജയം കൈ വരിച്ചതിന് പൊന്നാടയണിക്കുകയും കേക്ക് മുറിച്ച് ആഘോഷം ഗംഭീരമാക്കിയതിനു ശേഷമാണ് മഞ്ജു മടങ്ങിയത്.

സിനിമയിൽ അഭിനയിക്കണോ

മഞ്ജുവിന്റെ സർപ്രൈസ് വരവ് അക്ഷരാർഥത്തിൽ കാർത്യാനിയമ്മയെ ഞെട്ടിപ്പിച്ചിരുന്നു. സിനിമേൽ കാണുന്ന മോളല്ലേ, ഒത്തിരി സന്തോഷമെന്ന് അമ്മ നിഷ്കളങ്കമായ ചിരിയോടു കൂടി പറഞ്ഞു. അമ്മച്ചിക്ക് സിനിമയിൽ അഭിനയിക്കാൻ താത്പര്യമുണ്ടോയെന്ന് മഞ്ജു ചോദിച്ചു. എന്നാൽ അമ്മയുടെ മറുപടി എല്ലാവരേയും ഞെട്ടിപ്പിക്കുന്ന തരത്തിലുളളതായിരുന്നു. അയ്യോ, സിനിമയൊന്നും വേണ്ട, എനിക്ക് ഇങ്ങനെ പഠിച്ച് പോയാൽ മതി എന്നായിരുന്നു മറുപടി. മഞ്ജു പൊട്ടിച്ചിരിച്ചു. പിന്നെ കാർത്യായനിയമ്മയുടെ കവിളിൽ തൊട്ടു. സെൽഫികളെടുക്കുകയായിരുന്നു താരം.

ഇനി പഠിക്കേണ്ടത്

അര മണിക്കൂറോളം അമ്മയോടൊപ്പം സമയം ചെലവഴിച്ചതിനു ശേഷമായിരുന്നു മ‍ഞ്ജുവാര്യർ അവിടം വിട്ടത്. പരീക്ഷയെ കുറിച്ചുളള അനുഭവവും താരവുമായി പങ്കുവെച്ചരുന്നു. എഴുത്തും വായനയും പഠിച്ചു ഇനി അടുത്തത് എന്താണ് പരിപാടിയെന്ന് ചോദിച്ചപ്പോൾ ഇനി കംപ്യൂട്ടർ പഠിക്കണമെന്നുളള കാർത്യാനിയമ്മയുടെ മറുപഠി എല്ലാവരിലപം കൗതുക സൃഷ്ടിച്ചിരുന്നു. കാർത്യായനിയമ്മയെ കാണാൻ ഇനിയും വരുമെന്നും പഠനത്തിന് എല്ലാ സഹായവും നൽകുമെന്നും സാക്ഷരതാമിഷൻ ബ്രാൻഡ് അംബാസഡർ കൂടിയായ മഞ്ജു പറഞ്ഞു.

കാർത്യാനി അമ്മയെ കാണണം

97ാം വയസില്‍ സാക്ഷരതാമിഷന്റെ അക്ഷരലക്ഷം പരീക്ഷയില്‍ 98മാര്‍ക്ക് നേടി ഒന്നാം സ്ഥാനത്തെത്തിയ കാർത്യാനിയമ്മയെ കാണണം എന്നുളള ആഗ്രഹം മ‍ഞ്ജു ഫേസ്ബുക്കിൽ പങ്കുവെച്ചിരുന്നു. സന്തോഷ് ശിവന്റെ പുതിയ ചിത്രമായ ജാക്ക് ആന്റ് ജില്ലിന്റെ ചിത്രീകരണവുമായി ബന്ധപ്പെട്ട് മഞ്ജു ഹരിപ്പാട് ഉണ്ടായിരുന്നു. ഈ അവസരത്തിലായിരുന്നു ക്രയോൺസ് ഫൗണ്ടേഷൻ എന്നു പേരുള്ള സാമൂഹിക സംഘടനയുടെ പ്രവർത്തകർ ഈ കൂടിക്കാഴ്ചയ്ക്ക് അവസരമൊരുക്കി കൊടുത്തത്.