ചെയ്ത ജോലിക്ക് പണം ചോദിക്കുമ്പോള്‍ പലരും മുഖം ചുളിക്കാറുണ്ട്.. യുവ അഭിനേത്രി പറയുന്നത്?

സിനിമയിലെ അനുഭവങ്ങള്‍

ഒന്നിനൊന്ന് മികച്ച കഥാപാത്രങ്ങളുമായി സിനിമയില്‍ മുന്നേറുന്നതിനിടയില്‍ നല്ലതും ചീത്തയുമായ അനുഭവങ്ങള്‍ സിനിമയില്‍ നിന്നും ഉണ്ടായിട്ടുണ്ടെന്ന് താരം പറയുന്നു.

വലിയ പ്രശ്‌നങ്ങള്‍ ഉണ്ടായിട്ടില്ല

പുറത്തുനിന്ന് നോക്കുന്നവര്‍ക്ക് വലിയ പ്രശ്‌നമുള്ള മേഖലയായാണ് സിനിമ. എന്നാല്‍ തനിക്ക് ഇതുവരെ അത്തരത്തില്‍ മോശം അനുഭവങ്ങള്‍ ഉണ്ടായിട്ടില്ലെന്ന് താരം വ്യക്തമാക്കി.

പണം ചോദിക്കുമ്പോള്‍

ജോലി ചെയ്തതിന് ശേഷം പണം ചോദിക്കുമ്പോള്‍ പലരുടെയും മുഖം കടന്നല്‍ കുത്തേറ്റത് പോലെ ആവാറുണ്ടെന്ന് താരം പറയുന്നു. സ്ത്രീ ആയതുകൊണ്ടാവാം ചിലര്‍ ഇത്തരത്തില്‍ പെരുമാറുന്നത്. അവള്‍ക്കെന്തെങ്കിലും കൊടുത്താല്‍ മതിയെന്നാണ് അവരുടെ കാഴ്ചപ്പാടെന്നും താരം പറയുന്നു.

സംഘടനയുടെ ഭാഗമല്ല

നിരവധി ചിത്രങ്ങളുടെ ഭാഗമായെങ്കിലും ഇതുവരെ സൃന്ദ ഒരു സംഘടനയിലും അംഗത്വമെടുത്തിട്ടില്ല. സിനിമയിലെ പുതിയ സംഘടനയെക്കുറിച്ച് അറിഞ്ഞത് ഫേസ്ബുക്കിലൂടെയാണെന്നും താരം പറയുന്നു.

പരസ്പരം ബഹുമാനം ഉണ്ടാവണം

സ്ത്രീയായാലും പുരുഷനായാലും പരസ്പര ബഹുമാനം ഉണ്ടെങ്കില്‍ കുറേ പ്രശ്‌നങ്ങള്‍ ഒഴിവാക്കാമെന്ന് താരം പറയുന്നു. വനിതാ സംഘടന നല്ലൊരു ഇനീഷ്യേറ്റീവാണെന്നും സൃന്ദ പറഞ്ഞു.