നിവിന്‍ പോളിയുടെ സഹോദരിയായി വേഷമിടില്ലെന്ന് താരപുത്രി, നായികാ വേഷം മാത്രമേ പറ്റുകയുള്ളൂവെന്നാണോ ?

ചിത്രത്തില്‍ അഭിനയിക്കാന്‍ വിസമ്മതിച്ചു

നിവിന്‍ പോളി ചിത്രമായ ഞണ്ടുകളുടെ നാട്ടില്‍ ഒരിടവേളയില്‍ അഭിനയിക്കുന്നതിനായി ആദ്യം അഹാന വിസമത്തിച്ചിരുന്നുവെന്ന തരത്തിലുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്.

താല്‍പര്യമില്ലെന്ന് അറിയിച്ചു

നിവിന്‍ പോളിയുടെ സഹോദരിയുടെ വേഷമായിരുന്നു ആദ്യം തന്നെ തേടിയെത്തിയത്. ആദ്യം താല്‍പര്യമില്ലെന്ന് അറിയിച്ചിരുന്നുവെന്നും അഹാന പറയുന്നു. ഒരു തമിഴ് മാധ്യമത്തിന് നല്‍കിയ അഭിമുഖത്തിലാണ് താരം ഇക്കാര്യം വെളിപ്പെടുത്തിയത്.

കഥ മുഴുവനായി കേട്ടപ്പോള്‍

കഥ പൂര്‍ണ്ണമായി കേട്ടപ്പോഴാണ് ചിത്രത്തില്‍ അഭിനയിക്കാന്‍ തീരുമാനിച്ചത്. കഥ ഇഷ്ടപ്പെട്ടതു കൊണ്ടാണ് അഭിനയിക്കാന്‍ തീരുമാനിച്ചതെന്നും അഹാന പറയുന്നു.

തമിഴ് സിനിമയോട് താല്‍പര്യം

തമിഴ് സിനിമയില്‍ അഭിനയിക്കാന്‍ താല്‍പര്യം ഉണ്ടെന്നും താരം പറയുന്നു. മികച്ച അവസരങ്ങള്‍ ലഭിച്ചാല്‍ തമിഴില്‍ പ്രവേശിക്കുമെന്നും താരപുത്രി പറയുന്നു.

സ്വപ്‌ന നായകന്‍മാരില്‍ ആരൊക്കെ

തമിഴ് സിനിമയില്‍ അവസരം ലഭിക്കുകയാണെങ്കില്‍ അജിത്, സൂര്യ, വിജയ് എന്നിവര്‍ക്കൊപ്പം അഭിനയിക്കാനാണ് തനിക്ക് താല്‍പര്യമെന്നും അഹാന കൃഷ്ണകുമാര്‍ പറയുന്നു.

നിവിന്‍ പോളിക്കൊപ്പം അഭിനയിച്ചതിനെക്കുറിച്ച്

വളരെ സിമ്പിളാണ് നിവിന്‍ പോളി. സെറ്റില്‍ നല്ല ജോളിയായിരുന്നു. വലിയ താരമാണെന്ന ജാഡയൊന്നും ഇല്ലാത്ത നടനാണ്. നിവിനൊപ്പം ജോലി ചെയ്യാന്‍ രസമാണെന്നും അഹാന പറയുന്നു.

കൃഷ്ണകുമാറിന്റെ മകള്‍

നടന്‍ കൃഷ്ണകുമാറിന്റെ മൂത്ത മകളാണ് അഹാന. സിനിമയുമായി ബന്ധപ്പെട്ട കാര്യങ്ങളില്‍ അച്ഛന്‍ ഉപദേശങ്ങളൊന്നും നല്‍കാറില്ലെന്നും താരപുത്രി പറയുന്നു.