അത് ചോദിച്ചു വാങ്ങിയ വേഷമായിരുന്നു!! സൂപ്പർ ഹിറ്റ് മോഹൻലാൽ ചിത്രത്തിലെ എൻട്രിയെ കുറിച്ച് അജു

അനുകരിക്കരിക്കാൻ ശ്രമിച്ചിട്ടുണ്ട്

മലയാളത്തിലെ പല നടന്മാരുടേയും അഭിനയം തന്നെ സ്വാധീനിച്ചിട്ടുണ്ട്. അത് മനഃപൂർവമല്ലെങ്കിൽ പോലും ചിലപ്പോൾ അനുകരണങ്ങൾ വന്നിട്ടുണ്ട്. അത് താനൊരു ബോൺ ആക്ടർ ആല്ലാത്തതുകൊണ്ടാണെന്നും അ‍ജു വർഗീസ് പറഞ്ഞു. അടൂർ ഭാസി, ഇന്നസെന്റ്, ജഗതി ശ്രീകുമാർ,, സുരാജ് വെഞ്ഞാറമൂട് എന്നിവരൊക്കെ എന്റെ അഭിനയത്തിൽ സ്വാധീനിച്ചവരാണെന്നും താരം കൂട്ടിച്ചേർത്തു.

ഓരോയൊരു ലക്ഷ്യം മാത്രം

ചില അനുകരണങ്ങൾ താൻ അറിഞ്ഞു കൊണ്ട് നടത്താറുണ്ട്. തിയേറ്ററിൽ ഇരുന്ന സിനിമ കാണുന്ന ജനങ്ങളെ ചിരിപ്പിക്കുക എന്നത് മാത്രമാണ് എന്റെ ഉദ്ദ്യേശം. അതുകൊണ്ട് തന്നെ ചിലത് അറിഞ്ഞു കൊണ്ട് സംഭവിക്കാറുണ്ട്. കൂടാതെ സീനിയേഴ്സിന്റെ കൂടെ ഒരു പാട് സിനിമകളിൽ അഭിനയിക്കാനുള്ള ഭാഗ്യവും തനിയ്ക്ക് കിട്ടിയിട്ടുണ്ട്. അഭിനയത്തിൽ എന്തെങ്കിലും സംശയമുണ്ടെങ്കിൽ ഞാൻ അവരോട് ചോദിക്കാറുണ്ടെന്നും താരം കൂട്ടിച്ചേർത്തു.

ചോദിച്ചു വാങ്ങിയ കഥാപാത്രം

സുസു സുധീവാത്മീകതത്തിലെ ഗ്രോഗൺ എന്ന കഥാപാത്രത്തിന് മികച്ച അഭിപ്രായമായിരുന്നു ലഭിച്ചിരുന്നത്. അതപോലെ ശ്രദ്ധിക്കപ്പെട്ട മറ്റൊരു കഥാപാത്രമായിരുന്നു പ്രിയദർശൻ- മോഹൻലാൽ കൂട്ട്കെട്ടിൽ പിറന്ന ചിത്രമായ ഒപ്പത്തിലേത്. പ്രിയൻ സാറിനോട് ചോദിച്ചു വാങ്ങിയ ഒരു കഥാപാത്രമായിരുന്നു അത്. ചെറിയ കഥാപാത്രമാണെങ്കിലും മികച്ച പ്രേക്ഷകാഭിപ്രായം ലഭിച്ചിരുന്നു. വളരെ ഗൗരവമേറിയ കഥാപാത്രങ്ങളൊന്നും അധികം തന്നെ തേടിയെത്തിയിട്ടില്ലെന്നും താരം കൂട്ടിച്ചേർത്തു.

എന്താണ് ലവ് ആക്ഷൻ ഡ്രാമ

ചിത്രത്തിന്റെ പേര് പോലെ തന്നെ പ്രണയവും ആക്ഷനും ചേർന്ന ചിത്രമാണിത്. സമ്പന്ന കുടുംബത്തിലെ അംഗമായ ദിനേശനും പാലക്കാടൻ ബ്രഹ്മൺ പെൺകുട്ടിയായ ശോഭയും തമ്മിലുള്ള പ്രണയവും ഇവ സൃഷ്ടിക്കുന്ന സംഭവബഹുലമായ മുഹൂർത്തങ്ങളുമാണ് ചിത്രത്തിന്റെ പ്രമേയം. ദിനേശന്റെ ചെറിയ ആക്ഷനും സ്ത്രീകളിൽ സ്വാഭാവികമായി കാണപ്പെടുന്ന ഡ്രാമയും കൂടി ചേർന്നതാണ് ലവ് ആക്ഷൻ ഡ്രാമ. ചിത്രത്തിൽ ഡോ. സാഗർ എന്ന കഥാപാത്രത്തെ താൻ അവതരിപ്പിക്കുന്നുണ്ടെന്നും അജു പറഞ്ഞു. ഒരു കംബ്ലീറ്റ് എന്റർടെയ്നർ വിഭാഗത്തിൽപ്പെടുന്ന ചിത്രമാണിതെന്നും താരം കൂട്ടിച്ചേർത്തു.

നോ പറയേണ്ട സാഹചര്യങ്ങൾ

സിനിമയിൽ ഭാഗ്യമുളളവർക്ക് മാത്രമേ നിലനിൽപ്പുളളു എന്ന് വിശ്വസിക്കുന്ന ആളാണ് താൻ. ന്യായമായ കാര്യങ്ങൾ മാത്രം തുറന്നു പറഞ്ഞതു കൊണ്ട് സിനിമയിൽ നിന്ന് തനിയ്ക്ക് ഇതുവരെ അധികം പ്രശ്നങ്ങൾ നേരിടേണ്ടി വന്നിട്ടില്ല. അതുപോലെ തന്നെ കാര്യങ്ങൾ തുറന്നു പറയുന്ന നിരവധി സുഹൃത്തുക്കൾ തനിയ്ക്ക് സിനിമയിലുണ്ടെന്നും അജു പറഞ്ഞു. നിവിനും വിനീതുമൊക്ക ആ വിഭാഗത്തിൽപ്പെടുന്നവരാണ്. നോ പറയേണ്ട സാഹചര്യങ്ങളിൽ നോ പറയുന്ന വ്യക്തികളാണിവർ.