കരണ്‍ ജോഹറിന് ഇഷ്ടമുള്ള രണ്ട് മലയാള സിനിമകള്‍; മമ്മൂട്ടിയുടേതോ മോഹന്‍ലാലിന്റെയോ അല്ല!!

അല്‍ഫോണ്‍സ് പുത്രന്‍ ചിത്രങ്ങള്‍

അവസാനം കണ്ട പ്രാദേശിക ചിത്രം ഏതാണെന്ന ചോദ്യത്തിന് മറുപടി പറയവെയാണ് കരണ്‍ അല്‍ഫോണ്‍സ് പുത്രനെ പ്രശംസിച്ച് സംസാരിച്ചത്. അല്‍ഫോണ്‍സിന്റെ സിനിമകള്‍ ഇഷ്ടമാണെന്ന് കരണ്‍ പറയുന്നു.

പ്രേമവും നേരവും

പ്രേമമെന്ന ചിത്രമാണ് ഏറ്റവും ഒടുവില്‍ കണ്ടത്. ആ സിനിമ വളരെ ഇഷ്ടപ്പെട്ടു, സംവിധായകനെയും ഇഷ്ടപ്പെട്ടു. അദ്ദേഹം ആദ്യം ചെയ്ത നേരവും എനിക്ക് പ്രിയപ്പെട്ടതാണ്- കരണ്‍ പറഞ്ഞു.

അല്‍ഫോണ്‍സും കരണും

പുതിയ ചിത്രം ചെയ്യാനായി കരണ്‍ ജോഹര്‍ അല്‍ഫോണ്‍സ് പുത്രനെ ക്ഷണിച്ചതായി നേരത്തെ വാര്‍ത്തകളുണ്ടായിരുന്നു. അല്‍ഫോണ്‍സ് ബോളിവുഡില്‍ ഒരു സിനിമ ചെയ്യുന്നതായും വാര്‍ത്തകള്‍ വന്നതിന് പിന്നാലെയാണ് സംവിധായകനെ പ്രശംസിച്ച് കരണ്‍ രംഗത്തെത്തിയിരിയ്ക്കുന്നത്.

പ്രാദേശിക ഭാഷകളില്‍

പ്രാദേശിക ഭാഷകളില്‍ സിനിമ ചെയ്യാന്‍ തീരുമാനിച്ചാല്‍ ഏത് ഭാഷയില്‍ ചെയ്യും എന്ന ചോദ്യത്തിന് തമിഴ് എന്നായിരുന്നു കരണിന്റെ മറുപടി.