താന്‍ പണിയൊന്നുമില്ലാത്തവളല്ല, എന്നെ ആരും പുറത്താക്കിയിട്ടുമില്ല! ശ്രീദേവിയ്ക്ക് അമല പോളിന്റെ മറുപടി

ശ്രീദേവിയുടെ ട്വീറ്റ്

അമല പോളിനെ കായംകുളം കൊച്ചുണ്ണിയില്‍ നിന്നും പുറത്താക്കിയെന്ന തരത്തില്‍ വാര്‍ത്തകള്‍ വന്നതിന് പിന്നാലെയായിരുന്നു സിനിമ നിരുപകയും ട്രേഡ് അനലിസ്റ്റുമായ ശ്രീദേവി ശ്രീധറിന്റെ ട്വീറ്റ് വന്നത്. നിരവധി ആളുകള്‍ ശ്രീദേവയുടെ ട്വീറ്റ് റി ട്വീറ്റ് ചെയ്യുകയും ചെയ്തിരുന്നു.

ശ്രീദേവി പറഞ്ഞത്

ബിഗ് ന്യൂസ്, കായംകുളം കൊച്ചുണ്ണിയില്‍ അമല പോളിനെ മാറ്റി നടി പ്രിയ ആനന്ദിനെ നായികയാക്കി എന്നായിരുന്നു ശ്രീദേവി ട്വീറ്റിലൂടെ പറഞ്ഞിരുന്നത്. എന്നാല്‍ ഇത് അമല പോളിന് തീരെ ഇഷ്ടപ്പെട്ടിരുന്നില്ല. ഇതോടെയാണ് അമല ശ്രീദേവിയ്ക്ക്് മറുപടിയുമായി എത്തിയത്.

അമല പറയുന്നതിങ്ങനെ..

എന്നെ ആരും മാറ്റിയതല്ല. മറ്റു സിനിമകളുടെ തിരക്കുകള്‍ കാരണം ഞാന്‍ തന്നെ പിന്മാറിയതാണ്. മാത്രമല്ല താന്‍ ജോലിയില്ലാതെ ഇരിക്കുന്ന ആളൊന്നുമല്ലെന്നുമാണ് ശ്രീദേവിയുടെ ട്വീറ്റിന് അമലയുടെ മറുപടി.

കൊച്ചുണ്ണിയിലെ കഥാപാത്രം

ചിത്രത്തില്‍ നായികയായി ആരുമില്ലെങ്കിലും കൊച്ചുണ്ണിയുടെ ജീവിതത്തില്‍ പ്രധാന്യമുള്ള സ്ത്രീ കഥാപാത്രത്തെയാണ് അമല അവതരിപ്പിക്കാനിരുന്നത്. സിനിമയിലെ കഥാപാത്രത്തിന് വേണ്ടി കാതില്‍ കമ്മലും വലിയ മൂക്കുത്തിയും ഇട്ട ലുക്കിലുള്ള അമലയുടെ ചിത്രം പുറത്ത് വന്നിരുന്നു.

കായംകുളം കൊച്ചുണ്ണി

റോഷന്‍ ആന്‍ഡ്രൂസ് നിവിന്‍ പോളി കൂട്ടുകെട്ടില്‍ നിര്‍മ്മിക്കുന്ന ആദ്യത്തെ സിനിമയാണ് കായംകുളം കൊച്ചുണ്ണി. സിനിമയുടെ ചിത്രീകരണം അണിയറിയില്‍ പുരോഗമിച്ച് കൊണ്ടിരിക്കുന്നതിനിടെയാണ് അമലയുടെ പിന്മാറ്റത്തെ കുറിച്ചുള്ള വിവരങ്ങള്‍ പുറത്ത് വന്നിരിക്കുന്നത്.

അമലയുടെ തിരക്ക്

മലയാളത്തെക്കാളും അമല സജീവമായിരിക്കുന്ന തമിഴിലാണ്. കഴിഞ്ഞ ദിവസം റിലീസ് ചെയ്ത തിരുട്ടുപയലെ എന്ന സിനിമയാണ് അമലയുടെ പുതിയ സിനിമ. ഇനി അമല നായികയായി അഭിനയിക്കുന്ന നിരവധി സിനിമകളാണ് പുറത്തിറങ്ങാനുള്ളത്.