മമ്മൂട്ടിയുടെ മകളാണോ ഇത്.. അങ്ങ് ഗ്ലാമറായല്ലോ.. കാവ്യയുടെ ലിസ്റ്റിലേക്ക് ഇനി അനിഖയും!

ഫോട്ടോഗ്രാഫി

രാകേഷ് മന്നാര്‍ക്കാട് എന്ന ഫോട്ടോഗ്രാഫര്‍ പകര്‍ത്തിയ ചിത്രങ്ങള്‍ അനിഖ തന്നെയാണ് തന്റെ ഫേസ്ബുക്ക് പേജിലൂടെ ഷെയര്‍ ചെയ്തത്. ചിത്രങ്ങള്‍ ആരാധകര്‍ ഷെയര്‍ ചെയ്തു പോകുന്നതിലൂടെ ഫേസ്ബുക്കില്‍ വൈറലാകുകയാണ്.

വ്യത്യസ്തം

ഫോട്ടോ വളരെ വ്യത്യസ്തമാണെന്നാണ് ആരാധകരുടെ കമന്റ്. അനിഖയുടെ പേരിന് മുന്നിലുള്ള ബേബി എടുത്ത് മാറ്റാന്‍ സമയമായി എന്നും, ഇനി നായികയായി തുടങ്ങാം എന്നും ആരാധകര്‍ പറയുന്നു.

അനിഖയുടെ തുടക്കം

സത്യന്‍ അന്തിക്കാട് സംവിധാനം ചെയ്ത കഥ തുടരുന്നു എന്ന ചിത്രത്തിലൂടെയാണ് അനിഖയുടെ തുടക്കം. ആസിഫ് അലിയുടെയും മംമ്ത മോഹന്‍ദാസിന്റെയും മകളായി അഭിനയിച്ചു തുടങ്ങി.

മികച്ച അഭിനേത്രി

ബേബി എന്ന ലേബല്‍ തനിക്ക് വേണ്ട എന്ന അഭിനയത്തിലൂടെ തെളിയിച്ച നടിയാണ് അനിഖ. റേസ്, ബാവൂട്ടിയുടെ നാമത്തില്‍ എന്നീ ചിത്രങ്ങളിലൊക്കെ ശ്രദ്ധേയമായ വേഷം ചെയ്തു. പക്ഷെ അഞ്ച് സുന്ദരികളിലെ അനിഖയുടെ അഭിനയം ഇന്നും പ്രേക്ഷകരുടെ കണ്ണ് നനയിക്കും.

തമിഴിലേക്ക്

ഗൗതം മേനോന്‍ സംവിധാനം ചെയ്ത എന്നൈ അറിന്താല്‍ എന്ന ചിത്രത്തിലൂടെ അജിത്തിന്റെ മകളായിട്ടാണ് അനിഖ തമിഴിലേക്കും ശ്രദ്ധ കൊടുത്തത്. അത് ക്ലിക്കായി. തുടര്‍ന്ന് ജയംരവിയുടെ സഹോദരിയായി മിരുതനില്‍ അഭിനയിച്ചു.

മമ്മൂട്ടിയലുടെ മകള്‍

ദ ഗ്രേറ്റ് ഫാദറാണ് അിഖയുടേതായി ഏറ്റവുമൊടുവില്‍ റിലീസ് ചെയ്ത ചിത്രം. മെഗാസ്റ്റാറിന്റെ മകളായി തകര്‍ത്തഭിനയിച്ചു. തന്നെ പോലും അത്ഭുതപ്പെടുത്തി എന്നാണ് മമ്മൂട്ടി ഒരു അഭിമുഖത്തില്‍ പറഞ്ഞത്.

ഇനി നായികയാവാം

ഈ ഫോട്ടോഷൂട്ടിലൂടെ ഒരു കാര്യം വ്യക്തമാക്കാം.. ഇതുവരെ ബേബി അനിഖ എന്നറിയപ്പെട്ട അനിഖയ്ക്കിനി ധൈര്യമായി നായികാ നിരയിലേക്ക് കയറാം. കാവ്യ, സനുഷ, മഞ്ജിമ തുടങ്ങിവരുടെ ലിസ്റ്റിലേക്ക് ഇനി അനിഖയും.