For Quick Alerts
    ALLOW NOTIFICATIONS  
    For Daily Alerts

    പ്രശ്‌നമൊന്നും ഉണ്ടായില്ല, മീര വിവാഹിതയായി

    By Soorya Chandran
    |

    തിരുവനന്തപുരം: അങ്ങനെ ആശങ്കകളും മഴക്കാറുകളും നീങ്ങി... മീര ജാസ്മിന് അനില്‍ ജോണ്‍ ടൈറ്റസ് മിന്നുകെട്ടി. തിരുവനന്തപുരം പാളയത്തെ എല്‍എംഎസ് പള്ളിയില്‍ വച്ചായിരുന്നു വിവാഹം.

    ബ്രെുവരി 9 ന് മീരയുടേയും അനിലിന്റേയും വിവാഹം ഔദ്യോഗികമായി കഴിഞ്ഞിരുന്നു. മതാചാര പ്രകാരമുള്ള ചടങ്ങുകളാണ് ബുധനാഴ്ച പാളയത്ത് വച്ച് നടന്നത്.

    Meera Jasmine Wedding

    തന്റെ ആദ്യ ഭാര്യയില്‍ നിന്നും ഭാര്യാപിതാവില്‍ നിന്നും സംരക്ഷണം വേണമെന്നാവശ്യപ്പെട്ട് അനില്‍ ജോണ്‍ ടൈറ്റസ് കഴിഞ്ഞ ദിവസം ഹൈക്കോടതിയെ സമീപിച്ചിരുന്നു. വിവാഹ ചടങ്ങുകള്‍ക്ക് പോലീസ് സംരക്ഷണം ആവശ്യപ്പെട്ടായിരുന്നു ഇത്.

    ഒടുവില്‍ പ്രതീക്ഷിച്ച പോലെ പ്രശ്‌നങ്ങളൊന്നും ഉണ്ടാകാതെ മീരയുടേയും അനിലിന്റേയും വിവാഹം സമാധാന പൂര്‍വ്വം നടന്നു. സിഎസ്‌ഐ സഭയുടെ ദക്ഷിണ കേരള മഹാ ഇടവ ബിഷപ്പ് റവ എ ധര്‍മരാജ് പള്ളിയിലെ ചടങ്ങുകള്‍ക്ക് മുഖ്യ കാര്‍മികത്വം വഹിച്ചു.

    വീട്ടുകാരുമായി പിണങ്ങി നിന്നിരുന്ന മീര, മാന്‍ഡലിന്‍ കലാകാരന്‍ യു രാജേഷുമായി പ്രണയത്തിലായിരുന്നു. എന്നാല്‍ പിന്നീട് ഈ ബന്ധത്തില്‍ വിള്ളല്‍ വീണു. സിനിമയില്‍ നിന്ന് അല്‍പനാളത്തേക്ക് പിന്‍മാറിയ മീര വീട്ടുകാരുമായി വീണ്ടും അടുത്തു.

    വിവാഹ വെബ്‌സൈറ്റ് വഴിയാണ് മീര അനിലിനെ തിരഞ്ഞെടുത്തത്. വീട്ടുകാര്‍ ഇടപെട്ടാണ് വിവാഹം നടത്തിയത്. ദുബായില്‍ സോഫ്റ്റ് വെയര്‍ എന്‍ജിനീയറാണ് അനില്‍. വിവാഹമായപ്പോഴേക്കും മീരക്ക് കൈ നിറയെ ഓഫറുകള്‍ വന്നു തുടങ്ങിയിട്ടുണ്ട്.

    English summary
    Anil John- Meera Jasmine marriage at LMS Church Thiruvananthapuram.
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X