കവി ഉദ്ദേശിച്ചത്, പുലിമുരുകനൊപ്പം റിലീസ് ചെയ്യാനുണ്ടായ കാരണം ആസിഫ് അലി വെളിപ്പെടുത്തി

പൂജാ ചിത്രം

പൂജ അവധിക്ക് റിലീസ് ചെയ്യണമെന്ന് വളരെ നാളു മുമ്പ് തീരുമാനിച്ചതാണ്. കാരണം ഇത്രയും അവധി ഒരുമിച്ച് വരുന്ന സമയമാണ്. കുട്ടികളോട് പോയി പഠിക്കെടാ, സിനിമയ്ക്ക് പോകരുതെന്നൊന്നും പറയില്ല. ആസിഫ് അലി പറയുന്നു. മനോരമ ഓണ്‍ലൈനിന് നല്‍കിയ അഭിമുഖത്തിലാണ് ആസിഫ് അലി പറഞ്ഞത്.

പുലിമുരുകന്‍ വരുന്നു

പിന്നീടാണ് അറിഞ്ഞത് പുലിമുരുകനും തോപ്പില്‍ ജോപ്പനും റിലീസ് ചെയ്യുന്നുണ്ടെന്ന്. പിന്നെ ഈ പ്രോജക്ടിലുള്ള വിശ്വാസമാണ് ഇതേ ദിവസം തന്നെ റിലീസ് ചെയ്യാന്‍ തീരുമാനിച്ചതെന്ന് ആസിഫ് അലി പറഞ്ഞു.

വൈറല്‍ ഹിറ്റാകുന്നു

പുലിമുരുകന്‍ ഇപ്പോള്‍ വൈറല്‍ ഹിറ്റായികൊണ്ടിരിക്കുകയാണ്. തുറന്ന് പറഞ്ഞാല്‍ അതുക്കൊണ്ട് ചില പ്രശ്‌നങ്ങളൊക്കെ ഉണ്ടെന്നും ആസിഫ് അലി പറഞ്ഞു.

പ്രതീക്ഷ

എന്തായാലും പുലിമുരുകന്‍ കണ്ടു കഴിഞ്ഞാല്‍ കവി ഉദ്ദേശിച്ചത് കാണാന്‍ വരുമെന്ന പ്രതീക്ഷയുണ്ടെന്ന് ആസിഫ് അലി പറയുന്നു.

എന്താണ് കവി ഉദ്ദേശിച്ചത്

ആസിഫ് അലിയെയും ബിജു മേനോനെയും കേന്ദ്ര കഥാപാത്രങ്ങളാക്കി തോമസ് ലിജു തോമസ് സംവിധാനം ചെയ്ത ചിത്രമാണ് കവി ഉദ്ദേശിച്ചത്. ആസിഫ് അലിയാണ് ചിത്രം നിര്‍മിച്ചത്.