പറഞ്ഞത് വളച്ചൊടിച്ചതാണ് സംഭവിച്ചത് അങ്ങനെയായിരുന്നില്ല, കലാഭവന്‍ ഷാജോണ്‍ പറയുന്നു !!

സംഭവിച്ചതിനെക്കുറിച്ച്

ദിലീപില്‍ നിന്ന് ഇത്തരമൊരു കാര്യം പ്രതീക്ഷിച്ചില്ലെന്ന് പല താരങ്ങളും പറഞ്ഞിരുന്നു. അത്രയ്ക്ക് ഞെട്ടലുണ്ടാക്കുന്ന സംഭവങ്ങളാണ് അരങ്ങേറിയത്. എന്നാല്‍ ദിലീപിന് വൈരാഗ്യ ബുദ്ധിയുള്ള സ്വഭാവം പണ്ടു മുതല്‍ക്കേ ഉണ്ടായിരുന്നുവെന്നാണ് അനുഭവസ്ഥര്‍ പറയുന്നത്.

കുഞ്ഞിക്കൂനനിലെ വില്ലന്‍ വേഷത്തില്‍ സംഭവിച്ചത്

മിമിക്രിയിലൂടെ സിനിമയിലേക്കെത്തി താരമായ മാറിയതാണ് ദിലീപ്. ശശിശങ്കര്‍ സംവിധാനം ചെയ്ത കുഞ്ഞിക്കൂനന്‍ ഷൂട്ടിങ്ങിനിടയില്‍ സംഭവിച്ച കാര്യത്തെക്കുറിച്ചാണ് ഷാജോണ്‍ വിവരിച്ചിട്ടുള്ളത്.

വില്ലന്‍ വേഷത്തില്‍ ഷാജോണ്‍

കുഞ്ഞിക്കൂനന്‍ സിനിമ കണ്ടവരാരും ചിത്രത്തില്‍ സായ്കുമാര്‍ അവതരിപ്പിച്ച വില്ലന്‍ വേഷവും മറക്കില്ല. എന്നാല്‍ ആ വേഷത്തില്‍ ഷാജോണിനെയായിരുന്നു ആദ്യം നിശ്ചയിച്ചിരുന്നത്.

ഷാജോണിനെ മാറ്റിയില്ലെങ്കില്‍ അഭിനയിക്കില്ല

തന്റെ വില്ലനായി ഷാജോണ്‍ അഭിനയിച്ചാല്‍ പ്രേക്ഷകര്‍ സ്വീകരിക്കില്ലെന്ന നിലപാടിലായിരുന്നു ദിലീപ്. ഷാജോണിനെ മേക്കപ്പിലൂടെ വില്ലനാക്കി മാറ്റിയതിന് ശേഷമാണ് ദിലീപ് ഇത്തരത്തിലൊരു അഭിപ്രായം പ്രകടിപ്പിച്ചതെന്ന തരത്തിലായിരുന്നു കാര്യങ്ങള്‍ പ്രചരിച്ചിരുന്നത്.

പൊട്ടിക്കരഞ്ഞ് ഇറങ്ങിപ്പോയി

വില്ലന്‍ വേഷത്തില്‍ ഷാജോണ്‍ ആണെങ്കില്‍ താന്‍ അഭിനയിക്കില്ലെന്ന് ദിലീപ് വാശി പിടിച്ചതോടെ സെറ്റില്‍ നിന്നും ഷാജോണ്‍ പൊട്ടിക്കരഞ്ഞു കൊണ്ട് ഇറങ്ങിപ്പോവുകയായിരുന്നുവെന്നും പ്രചരിച്ചിരുന്നു. എന്നാല്‍ ഇതൊന്നും സംഭവിച്ചിട്ടില്ലെന്നാണ് ഷാജോണ്‍ പറയുന്നത്.

ആശുപത്രിയില്‍ നിന്നും സായ് കുമാറെത്തി

അമ്മയ്‌ക്കൊപ്പം ആശുപത്രിയില്‍ കഴിയുകയായിരുന്ന സായ് കുമാറാണ് പിന്നീട് കുഞ്ഞിക്കൂനനില്‍ വില്ലന്‍ വേഷത്തിലെത്തിയത്.