ദുല്‍ഖറിന്റെ സോലോയ്ക്ക് തിരിച്ചടി.. വേദനയോടെ അണിയറപ്രവര്‍ത്തകര്‍.. പ്രതിസന്ധി മാറുമോ?

അനിശ്ചിതത്വം തുടരുന്നു

മലയാളത്തിലും തമിഴിലുമായി ഒരുക്കിയിരിക്കുന്ന ചിത്രം തമിഴ്‌നാട്ടിലെ തിയേറ്ററുകളില്‍ പ്രദര്‍ശിപ്പിക്കാന്‍ കഴിയുമോയെന്നുള്ള ആശങ്ക തുടരുകയാണ്. തിയേറ്റര്‍ സമരം തീര്‍പ്പാക്കിയെങ്കിലും പുതിയ റിലീസുകള്‍ പ്രദര്‍ശിപ്പിക്കേണ്ടെന്ന തീരുമാനത്തിലാണ് അധികൃതര്‍. ഇത് ദുല്‍ഖര്‍ സല്‍മാന്‍ ചിത്രത്തിന് തിരിച്ചടിയായി മാറിയിരിക്കുകയാണ് ഇപ്പോള്‍.

മലയാളത്തിലും തമിഴിലുമായി ഒരുക്കിയ ചിത്രം

മലയാളത്തിലും തമിഴിലുമായാണ് സോലോ ഒരുക്കിയിട്ടുള്ളത്. ബോളിവുഡ് സംവിധായകനായ ബിജോയ് നമ്പ്യാര്‍ സംവിധാനം ചെയ്യുന്ന ആദ്യ മലയാള ചിത്രമാണിത്. പ്രേക്ഷകര്‍ക്ക് പരിചിതമല്ലാത്ത തരത്തിലാണ് ചിത്രം ഒരുക്കിയത്.

തിയേറ്റര്‍ സമരം വെല്ലുവിളിയായി

തമിഴ്‌നാട്ടില്‍ തിയേറ്റര്‍ സമരം തുടരുകയാണ്. പണിമുടക്ക് അവസാനിപ്പിച്ചുവെങ്കിലും പുതിയ റിലീസുകള്‍ വേണ്ടെന്ന തീരുമാനത്തിലാണ് തിയറ്റര്‍ അസോസിയേഷന്‍. സംസ്ഥാന സര്‍ക്കാര്‍ വിനോദ നികുതി ഒഴിവാക്കുന്നത് വരെ സമരം തുടരാനാണ്് തീരുമാനമെന്ന റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്.

സോലോയ്ക്ക് തിരിച്ചടി

മലയാളത്തിലും തമിഴിലുമായി ഒരുക്കിയ ചിത്രമായ സോലോയെ ഈ തീരുമാനം പ്രതികൂലമായി ബാധിക്കും. ഇക്കാര്യത്തെക്കുറിച്ച് ആശങ്കയോടെ നോക്കിക്കാണുകയാണ് അണിയറപ്രവര്‍ത്തകര്‍.

തിയേറ്ററില്‍ നിന്നും നീക്കം ചെയ്യുമോ?

തിയേറ്റര്‍ സമരം കാരണം പുതിയ ചിത്രങ്ങള്‍ പ്രദര്‍ശിപ്പിക്കേണ്ടെന്ന തീരുമാനം തുടരുമ്പോള്‍ സോലോയെ തിയേറ്ററില്‍ നിന്നും നീക്കം ചെയ്യും. ഇത് തനിക്കും അണിയറപ്രവര്‍ത്തകര്‍ക്കും സഹിക്കാന്‍ പറ്റുന്ന കാര്യമല്ലെന്നും സംവിധായകന്‍ പറയുന്നു.

പ്രശ്‌നങ്ങള്‍ അവസാനിക്കുമെന്ന് പ്രതീക്ഷിക്കുന്നു

കഠിനപ്രയത്‌നത്തിനൊടുവിലാണ് സോലോ തിയേറ്ററുകളിലേക്ക് എത്തിയത്. ഇത്തരമൊരു സാഹചര്യത്തില്‍ പ്രശ്‌നങ്ങളെല്ലാം പെട്ടെന്ന് തീരുമെന്നാണ് കരുതുന്നത്. ചിത്രത്തെ പ്രേക്ഷകര്‍ സ്വീകരിക്കുമെന്നാണ് കരുതുന്നതെന്നും സംവിധായകന്‍ ട്വീറ്റ് ചെയ്തിട്ടുണ്ട്.