രണ്ടാം വിവാഹത്തെക്കുറിച്ച് ഭഗത്! അപ്പന്‍റെ വിവാഹം കണ്ട മകനാണിത്! മോഹന്‍ലാലും അത് ചോദിച്ചു

ഭഗതിന്റെ രണ്ടാം വിവാഹം

ആദ്യവിവാഹത്തില്‍ നിന്നും നിയമപരമായി വേര്‍പിരിഞ്ഞതിന് ശേഷമായാണ് ഭഗതിന്റെ ജീവിതത്തിലേക്ക് ഷെലിനും ജോയനും എത്തിയത്. രണ്ടാം വിവാഹത്തിന്റെ ചിത്രങ്ങളും വിശേഷങ്ങളുമെല്ലാം സോഷ്യല്‍ മീഡിയയിലൂടെ വൈറലായി മാറിയിരുന്നു. കുടുംബസമേതം സന്തോഷവാനായി കഴിയുകയാണ് ഭഗത്. ലോക് ഡൗണ്‍ സമയത്ത് അച്ഛനും മക്കളും മണ്ണിലേക്കിറങ്ങിയതും കൃഷിയുടെ വിശേഷങ്ങളെക്കുറിച്ചുമൊക്കെ വാചാലനായി താരമെത്തിയിരുന്നു.

അപ്പന്റെ വിവാഹം കണ്ട മകന്‍

സ്റ്റീവും ജോക്കുട്ടനും നല്ല കൂട്ടുകാരാണ്. ഇവര്‍ ഇരട്ടകളാണോയെന്നായിരുന്നു മോഹന്‍ലാല്‍ ചോദിച്ചതെന്ന് ഭഗത് പറയുന്നു. അപ്പന്റെ കല്യാണം കണ്ട മോനാണിതെന്നായിരുന്നു ഭഗത് മകനെക്കുറിച്ച് പറഞ്ഞത്. ഷെലിനാവട്ടെ അമ്മയുടെ വിവാഹം കണ്ട മകനെക്കുറിച്ചായിരുന്നു പറഞ്ഞത്. മക്കള്‍ ഈ വിവാഹത്തെ ഉള്‍ക്കൊള്ളുമോയെന്ന തരത്തിലുള്ള ആശങ്ക തുടക്കത്തിലുണ്ടായിരുന്നുവെന്നും എന്നാല്‍ ഇരുവരും തങ്ങളെ ഞെട്ടിക്കുകയായിരുന്നുവെന്നും ഭഗതും ഭാര്യയും പറയുന്നു.

Recommended Video

Rimy Tomy Ex-Husband wedding | FilmiBeat Malayalam

അപ്പനെ കണ്ടിട്ടില്ല

രണ്ട് ആണ്‍കുട്ടികളുടെ പിതാവാണ് ഞാനിപ്പോള്‍. ജോക്കുട്ടന്‍ അവന്റെ പപ്പയെ കണ്ടിട്ടില്ല. ഇനി മുതല്‍ ഞാനാണ് അവന്റെ പപ്പ. സ്റ്റീവ് അവന്റെ അമ്മയെ കാണാറുണ്ട് ഇപ്പോഴും. ഇപ്പോള്‍ അവരുമായി നല്ല സൗഹൃദമുണ്ട്. അവരുടെ വീട്ടുകാരുമായി നല്ല ബന്ധമുണ്ടെന്നും താരം പറയുന്നു. സ്റ്റീവിനെ കാണണമെന്ന് പറഞ്ഞാല്‍ അവരുടെ വീട്ടിലേക്ക് അയയ്ക്കാറുണ്ട്. അവന്‍ ഇടയ്ക്ക് അവിടെപ്പോയി താമസിക്കാറുണ്ട്. ഒരു വര്‍ഷമാണ് താനും അവന്റെ അമ്മയും ഒരുമിച്ച് കഴിഞ്ഞതെന്നും തനിക്കാരോടും ദേഷ്യമോ പരിഭവമോ ഇല്ലെന്നും ഭഗത് പറയുന്നു.

കൂട്ട് വേണമെന്ന് തോന്നി

ജീവിതത്തില്‍ മാത്രമല്ല കരിയറിലും ഏറ്റക്കുറച്ചിലുകള്‍ അനുഭവിക്കേണ്ടി വന്നിട്ടുണ്ട്. 5 വര്‍ഷമായി തനിച്ചായിരുന്നു. അതേക്കുറിച്ച് ആരേയും അറിയിച്ചിരുന്നില്ല. സിനിമയിലെ അടുത്ത സുഹൃത്തുക്കള്‍ക്ക് ഇതേക്കുറിച്ച് അറിയാമായിരുന്നു.ജയസൂര്യ, നിവിന്‍ പോളി, അജു വര്‍ഗീസ് തുടങ്ങിയവരുമായി അടുത്ത സൗഹൃദമുണ്ട് ഭഗതിന്. ഒറ്റയ്ക്കുള്ള ജീവിതയാത്രയിലെപ്പോഴോ ആയിരുന്നു ഒരു കൂട്ടിനെക്കുറിച്ച് ആലോചിച്ചത്. അങ്ങനെയായിരുന്നു രണ്ടാം വിവാഹം.

ലീനു വന്നത്

ഷെലിനെ ലീനുവെന്നാണ് ഭഗത് വിളിക്കുന്നത്. നാളെയെക്കുറിച്ച് അധികം ആലോചിക്കാതെ ഇന്ന് സന്തോഷത്തോടെ കഴിയുകയെന്ന നിലപാടിലാണ് താനെന്നും ഭഗത് പറയുന്നു. ഇനിയങ്ങോട്ട് തനിക്കൊപ്പം സന്തോഷമായിരിക്കാന്‍ ഒരാള്‍ കൂടിയിരിക്കട്ടെയെന്ന് തോന്നി. അങ്ങനെയാണ് ലീനുവും മകനുമെത്തിയത്. ഭഗതിനെ ആദ്യമായി കണ്ടതിനെക്കുറിച്ചും വിവാഹം തീരുമാനിച്ചതിനെക്കുറിച്ചുമൊക്കെ ലീനുവും പറഞ്ഞിരുന്നു.