For Quick Alerts
    ALLOW NOTIFICATIONS  
    For Daily Alerts

    മാമച്ചന്റെ ആ രീതി കണ്ടുപഠിച്ചത് അദ്ദേഹത്തില്‍ നിന്ന്, വെളളിമൂങ്ങയ്ക്ക് എടുത്ത തയ്യാറെടുപ്പുകളെ കുറിച്ച് ബിജു മേനോന്‍

    |

    ബിജു മേനോന്റെ കരിയറില്‍ വലിയ വിജയമായി മാറിയ സിനിമകളില്‍ ഒന്നാണ് വെളളിമൂങ്ങ. മുന്‍പ് സഹനടനായി മലയാളത്തില്‍ തിളങ്ങിയ താരത്തിന് നായകനായപ്പോള്‍ മികച്ച പ്രേക്ഷക പ്രശംസ നേടിക്കൊടുത്ത ചിത്രമായിരുന്നു ഇത്. ജിബു ജേക്കബ് സംവിധാനം ചെയ്ത ചിത്രത്തിലെ സിപി മാമച്ചന്‍ എന്ന കഥാപാത്രം നടന്റെതായി ഏറെ ശ്രദ്ധിക്കപ്പെട്ടു. രാഷ്ട്രീയ പശ്ചാത്തലത്തില്‍ ഹാസ്യത്തിന് പ്രാധാന്യം നല്‍കിയൊരുക്കിയ ചിത്രമായിരുന്നു വെളളിമൂങ്ങ. വലിയ ഹൈപ്പുകളൊന്നുമില്ലാതെ എത്തിയ സിനിമ തിയ്യേറ്ററുകളില്‍ സര്‍പ്രൈസ് ഹിറ്റായി മാറുകയായിരുന്നു.

    vellimoonga

    മികച്ച പ്രതികരണത്തോടൊപ്പം ബോക്‌സോഫീസ് കളക്ഷന്റെ കാര്യത്തിലും ബിജു മേനോന്‍ ചിത്രം നേട്ടമുണ്ടാക്കിയിരുന്നു. റിലീസ് ചെയ്ത് ആറ് വര്‍ഷങ്ങള്‍ കഴിഞ്ഞെങ്കിലും ഇപ്പോഴും മികച്ച സ്വീകാര്യതയാണ് ടെലിവിഷന്‍ ചാനലുകളില്‍ വന്നാല്‍ സിനിമയ്ക്ക് ലഭിക്കാറുളളത്. അതേസമയം തിരഞ്ഞെടുപ്പു സമയത്ത് സിപി മാമച്ചനെ വെച്ചുളള പോസ്റ്ററുകള്‍ വീണ്ടും തരംഗമായി മാറിയിരുന്നു. പിന്നാലെ വെളളിമൂങ്ങയിലെ മാമച്ചന് വേണ്ടി എടുത്ത തയ്യാറെടുപ്പുകള്‍ മനോരമയ്ക്ക് നല്‍കിയ അഭിമുഖത്തില്‍ ബിജു മേനോന്‍ തുറന്നുപറഞ്ഞു.

    ആറ് വര്‍ഷം മുന്‍പ് തിരുവനന്തപുരത്ത് വെളളിമൂങ്ങ കാണാന്‍ പോയപ്പോള്‍ അവിടെ വിഎം സുധീരന്‍, വി ശിവന്‍കുട്ടി തുടങ്ങിയ നേതാക്കളെ കണ്ടിരുന്നതായി നടന്‍ പറയുന്നു. അന്ന് ഇടവേള സമയത്ത് അവര്‍ ചോദിച്ചു ആരാണ് ഇത്ര കൃത്യമായി രാഷ്ട്രീയ സാഹചര്യങ്ങളെയെല്ലാം വിശകലനം ചെയ്ത് തിരക്കഥ എഴുതിയതെന്ന്. വിവിധ സ്ഥലങ്ങളിലായി ചിത്രീകരത്തിന് പോയ സമയത്തെല്ലാം ആളുകള്‍ മാമച്ചനെ പോലെ വന്ന് സ്വയം പരിചയപ്പെടാറുണ്ടായിരുന്നു എന്ന് നടന്‍ പറയുന്നു.

    സംയുക്ത വര്‍മ്മക്കുറിച്ച് ബിജു മേനോന് പറയാനുള്ളത്

    മാമച്ചന് വേണ്ടി ഒരു വര്‍ഷത്തോളം നീണ്ട തയ്യാറെടുപ്പുകള്‍ നടത്തിയിരുന്നു. അന്ന് കഥാപാത്രത്തിനായി ചില രാഷ്ട്രീയ നേതാക്കളുടെ പേരുകള്‍ ആളുകള്‍ എനിക്ക് സജസ്റ്റ് ചെയ്തു. തുടര്‍ന്ന് മാമച്ചന് വേണ്ടി അവരുടെ മാനറിസങ്ങളും ശൈലികളുമെല്ലാം നോക്കി പഠിച്ചു. അന്ന് തിരക്കഥാകൃത്ത് ജോജു തോമസും ഇതിനായി തന്നെ ഒരുപാട് സഹായിച്ചതായി ബിജു മേനോന്‍ പറയുന്നു. അന്ന് തിരക്കഥ വായിക്കുമ്പോള്‍ ജോജിയുടെ മുഖഭാവങ്ങളും നോക്കിയിരുന്നു. ജോജിയുടെ എക്‌സപ്രഷനുകളില്‍ നിന്നാണ് മാമച്ചന്‍ ചുണ്ടുകള്‍ കടിക്കുന്ന രീതി പഠിച്ചെടുത്തത്, അഭിമുഖത്തില്‍ ബിജു മേനോന്‍ പറഞ്ഞു.

    Read more about: biju menon
    English summary
    Biju Menon Revealed How He Prepared For Character Mammachan From Vellimoonga Movie
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X