'മന്‍ കീ ബാത്' മോദിക്ക് മാത്രമുള്ളതാണ്, സിനിമയിലെ പ്രയോഗം മാറ്റണമെന്ന് സെന്‍സര്‍ ബോര്‍ഡ്

മോദിയുടെ പരിപാടിയായ 'മന്‍ കീ ബാത്' എന്ന പദം സിനിമയില്‍ ഉപയോഗിച്ചതിനാല്‍ ആ വാചകം അതില്‍ നിന്നും മാറ്റണമെന്ന്‌ സെന്‍സര്‍ ബോര്‍ഡിന്റെ നിര്‍ദ്ദേശം.

'സമീര്‍' എന്ന സിനിമയിലാണ് മന്‍ കീ ബാത് എന്ന വാചകം ഉപയോഗിച്ച ഡയലോഗുള്ളത്. ' ഏക് മന്‍ കീ ബാത് കഹും' എന്നാണ് സിനിമയിലുണ്ടായിരുന്ന വാചകം.

'മന്‍ കീ ബാത്' പ്രധാനമന്ത്രി ജനങ്ങളുമായി റേഡിയോയിലുടെ സംസാരിക്കുന്ന പരിപാടിയുടെ പേരാണെന്നും അതിനാല്‍ സിനിമയില്‍ നിന്നും ആ ഡയലോഗ് മാറ്റണമെന്നുമായിരുന്നു സെന്‍സര്‍ ബോര്‍ഡിന്റെ നിര്‍ദ്ദേശം.

ദക്‌സിന്‍ ചൗറയാണ് സിനിമ സംവിധാനം ചെയ്യുന്നത്. 'മന്‍ കീ ബാത്' എന്ന വാക്കിന് കോപ്പി റൈറ്റ് ഉള്ളതാണോ എന്ന കാര്യത്തില്‍ വ്യക്തത വന്നിട്ടില്ല.