എ പടം എന്ന് ആക്ഷേപം, മമ്മൂട്ടിയുടെ പുത്തന്‍ പണം കാണാന്‍ കുട്ടികളെ അനുവദിയ്ക്കുന്നില്ല

തിയേറ്ററുകളുടെ പെരുമാറ്റം

പല തിയേറ്ററുകളിലും 18 വയസ്സിന് താഴെയുള്ള കുട്ടികളെ സിനിമ കാണാന്‍ അനുവദിയ്ക്കുന്നില്ല എന്നാണ് റിപ്പോര്‍ട്ടുകള്‍. അച്ഛനമ്മമാരോടൊപ്പം വരുന്ന കുട്ടികളെ പോലും സിനിമ കാണാന്‍ അനുവദിക്കാതെ തിരിച്ചയക്കുന്നു എന്നാണ് വാര്‍ത്തകള്‍.

പ്രശ്‌നം വഷളാകുന്നു

ഇതേ ചൊല്ലി പല തിയേറ്ററുകളും സംഘര്‍ഷഭരിതമായി. എന്തിന് മമ്മൂട്ടി ചിത്രത്തിന് എ സര്‍ട്ടിഫിക്കറ്റ് നല്‍കി എന്നതിനെ ചൊല്ലി മമ്മൂട്ടി ഫാന്‍സും രംഗത്തെത്തിയതോടെ പ്രശ്‌നം വഷളാകുകയായിരുന്നു.

ടിക്കറ്റ് ബുക്ക് ചെയ്തവര്‍

ഈ പ്രശ്‌നത്തെ ചൊല്ലി ടിക്കറ്റ് ബുക്ക് ചെയ്ത ആള്‍ക്കാരാണ് ഏറെ ബുദ്ധിമുട്ടുന്നത്. ടിക്കറ്റ് ബുക്ക് ചെയ്ത് സിനിമ കാണാന്‍ വേണ്ടി തിയേറ്ററിലെത്തുമ്പോഴാണ് പ്രശ്‌നമറിയുന്നത്. പൈസയും പോയി സിനിമയും ഇല്ല എന്ന അവസ്ഥയാണ്.

കലക്ഷനെ ബാധിയ്ക്കുന്നു

ഈ പ്രശ്‌നം ചിത്രത്തിന്റെ കലക്ഷനെ ഭീകരമായി ബാധിയ്ക്കുന്നുണ്ട്. കുടുംബ പ്രേക്ഷകരെ സിനിമയില്‍ നിന്ന് അകറ്റുന്നു. വാരാന്ത്യങ്ങളില്‍ സാധാരണ ഗതിയില്‍ തിയറ്ററിലേക്ക് ആളുകള്‍ ധാരാളമായി എത്തുന്ന ഒരു പ്രവണത സാധാരണയായി കാണാറുണ്ട്. എന്നാല്‍ റിലീസ് ചെയ്ത അഞ്ചാം ദിവസം ഞായറാഴ്ച 54.64 ആയിരുന്നു തിയറ്ററുകളിലെ ജനസാന്നിദ്ധ്യം.