ചൂടന്‍ എംഎംഎസ് വ്യാജമല്ലെന്ന് വീണ മാലിക്

മുംബൈ: തന്റെ പേരില്‍ ഇന്റര്‍നെറ്റില്‍ പ്രചരിക്കുന്ന എം എം എസ് വ്യാജമല്ലെന്ന് നടിയും മോഡലുമായ വീണ മാലിക്. എന്നാല്‍ നെറ്റില്‍ വൈറലായി പ്രചരിക്കുന്ന വിഡിയോ താന്‍ സെക്‌സ് ചെയ്യുന്ന രംഗമല്ലെന്നും പാകിസ്ഥാന്‍ സുന്ദരി തുറന്നുപറഞ്ഞു. റിലീസിനൊരുങ്ങുന്ന സിന്ദഗി 50 - 50 എന്ന ഹിന്ദി ചിത്രത്തിലെ രംഗമാണ് പ്രചരിപ്പിക്കപ്പെടുന്ന വീഡിയോ എന്നും വീണ മാലിക് വ്യക്തമാക്കി.

രാജന്‍ വര്‍മയോടൊപ്പം സിന്ദഗി 50 - 50 എന്ന ഹിന്ദി ചിത്രത്തില്‍ താന്‍ അഭിനയിച്ച ഗാനരംഗമാണ് ഇന്റര്‍നെറ്റില്‍ പ്രചരിക്കുന്നത്. ഇത് അശ്ലീല എം എം എസ് ക്ലിപ്പല്ല. പത്രസമ്മേനത്തില്‍ വീണ മാലിക് റിപ്പോര്‍ട്ടര്‍മാരോട് പറഞ്ഞു. മെയ് 24 നാണ് വീണയുടെ പുതിയ ചിത്രമായ സിന്ദഗി 50 - 50 റിലീസാകുന്നത്.

വീണ് മാലിക്കിന്റെ ചൂടന്‍രംഗം എന്ന പേരില്‍ സോഷ്യല്‍ നെറ്റ് വര്‍ക്കിംഗ് വെബ് സൈറ്റുകളിലും മറ്റും ലക്ഷക്കണക്കിന് ആളുകളാണ് ഈ വീഡിയോ കാണുന്നത്. രാജന്‍ വര്‍മയ്‌ക്കൊപ്പം വീണ അഭിനയിച്ച അല്‍പം ചൂടുള്ള ഒരു പ്രണയരംഗമാണ് എം എം എസിന്റെ ഉള്ളടക്കം.

അല്പ വസ്ത്രധാരിയായി അഭിനയിയ്ക്കുന്ന വീണയുടെ താരമൂല്യം ആവും വിധം ഉപയോഗിയ്ക്കാനുള്ള ശ്രമത്തിലാണ് സിന്ദഗി 50 - 50യുടെ നിര്‍മാതാക്കളെന്ന് നേരത്തെ തന്നെ അഭ്യൂഹങ്ങളുണ്ടായിരുന്നു. മിനുട്ടില്‍ 137 ചചുംബനങ്ങളുമായി റെക്കോര്‍ഡിട്ട വീണയാകട്ടെ എങ്ങനെയും ഇന്ത്യന്‍ സിനിമയില്‍ ചുവടുറപ്പിച്ചേ പറ്റൂ എന്നുള്ള വാശിയിലുമാണ്.