പ്രണയത്തിനു വേണ്ടി നിങ്ങള്‍ എത്ര ദൂരം സഞ്ചരിക്കുമെന്ന് ദുല്‍ഖര്‍ സല്‍മാന്‍, അമേരിക്ക വരെ പോയാലോ???

പാലായില്‍ നിന്നും അമേരിക്കയിലേക്ക്

പാലായില്‍ നിന്നും അമേരിക്കയിലെത്തിയ അജി മാത്യുവിന്റെ ജീവിത കഥയാണ് കോമ്രേഡ് ഇന്‍ അമേരിക്ക. പ്രശസ്ത ഛായാഗ്രാഹകനായ സികെ മുരളീധരന്റെ മകള്‍ കാര്‍ത്തികയാണ് ചിത്രത്തിലെ നായിക. അമല്‍ നീരദ് ദുല്‍ഖര്‍ ചിത്രം അനൗണ്‍സ് ചെയ്തതു മുതല്‍ ആരാധകര്‍ കാത്തിരിപ്പിലാണ്. ചിത്രത്തിന്റെ ഓരോ അപ്‌ഡേഷനും വേണ്ടി കാത്തിരിക്കുകയാണ് പ്രേക്ഷകര്‍.

പേര് സസ്പെന്‍സാക്കി വെച്ചു

പുതിയ ചിത്രത്തിന്റെ പേര് നേരത്തെ തന്നെ പുറത്തുവിടാറുള്ള സംവിധായകനാണ് അമല്‍ നീരദ്. മറ്റു ചിത്രങ്ങളുടെ പേരുകളെല്ലാം അപ്പോള്‍ത്തന്നെ പുറത്തുവിട്ടിരുന്നു. സാധാരണയായി എന്റെ സിനിമകളുടെപേര് ആദ്യം തന്നെ അനൗണ്‍സ് ചെയ്യാറുണ്ടായിരുന്നു. എന്നാല്‍ ഇത്തവണ ആ പതിവു വേണ്ടെന്ന് തുടക്കത്തിലേ തീരുമാനിച്ചിരുന്നു. അഞ്ചു മാസം മുന്‍പ് പേരു തീരുമാനിച്ചിരുന്നുവെന്നും സംവിധായകന്‍ പറഞ്ഞു.

പോസ്റ്റ് പ്രൊഡക്ഷന്‍ വര്‍ക്കുകള്‍ നടക്കുന്നു

കോട്ടയം ജില്ലയുടെ വിവിധ ഭാഗങ്ങളില്‍ നിന്നു തുടങ്ങിയ ഷൂട്ടിങ്ങ് അമേരിക്കയിലും മെക്‌സിക്കോയിലുമായാണ് പൂര്‍ത്തിയാക്കിയത്. ചിത്രത്തിന്റെ പോസ്റ്റ് പ്രൊഡക്ഷന്‍ വര്‍ക്കുകളാണ് ഇപ്പോള്‍ നടന്നുകൊണ്ടിരിക്കുന്നത്.

ഫസ്റ്റ് ലുക്ക് പോസ്റ്റര്‍ പുറത്തുവിട്ടു

ചിത്രത്തിന്റെ ഫസ്റ്റ് ലുക്ക് പോസ്റ്റര്‍ കഴിഞ്ഞ ദിവസമാണ് പുറത്തുവിട്ടത്. കിടു ലുക്കിലുള്ള ഡിക്യുവിനെയാണ് ചിത്രത്തില്‍ കാണുന്നത്. പോസ്റ്റര്‍ ഇതിനോടകം തന്നെ നവമാധ്യമങ്ങളിലൂടെ വൈറലായിട്ടുണ്ട്.