ഇവര്‍ ഇതുവരെ വിവാഹം കഴിച്ചില്ലായിരുന്നോ? സമന്ത-നാഗ ചൈതന്യ വിവാഹം ഒക്ടോബറില്‍!!

താരവിവാഹം ഒക്ടോബറില്‍

വിവാഹ നിശ്ചയം കഴിഞ്ഞതിനെത്തുടര്‍ന്ന് ഇരുവരും വിവാഹിതരായി എന്ന തരത്തില്‍ വാര്‍ത്തകള്‍ പ്രചരിച്ചിരുന്നു. എന്നാല്‍ ഒക്ടോബറിലാണ് വിവാഹമെന്ന് നാഗചൈതന്യ വ്യക്തമാക്കിയതായി തെലുങ്ക് മാധ്യമങ്ങളാണ് വാര്‍ത്ത പുറത്ത് വിട്ടത്.

പ്രണയ സാഫല്യം

ഇരുവരും തമ്മില്‍ ഏറെകാലമായി പ്രണയത്തിലായിരുന്നു. വിവാഹത്തോടെ ഇരുവരും തമ്മിലുണ്ടായിരുന്ന പ്രണയത്തിന് സാഫല്യമടയും.

വിവാഹത്തെക്കുറിച്ച് അഭ്യൂഹങ്ങള്‍

ഇരുവരും ന്യൂയോര്‍ക്കില്‍ നിന്നും രഹസ്യമായി വിവാഹം കഴിച്ചെന്ന് വാര്‍ത്തകള്‍ വന്നിരുന്നു. എന്നാല്‍ പ്രചരിച്ചിരുന്ന വാര്‍ത്തകളെല്ലാം തെറ്റാണെന്ന് വെളിപ്പെടുത്തി കൊണ്ടാണ് ഇപ്പോള്‍ വിവാഹക്കാര്യം പുറത്ത് വന്നിരിക്കുന്നത്.

വിവാഹ നിശ്ചയം

ഈ വര്‍ഷം ജനുവരി 29 നായിരുന്നു താരങ്ങളുടെ വിവാഹ നിശ്ചയം കഴിഞ്ഞിരുന്നത്. പാപ്പരാസികളുടെ സ്ഥിരം ഇരകളായിരുന്നതിനാല്‍ ഇരുവരുടെയും പേരില്‍ നിറയെ ഗോസിപ്പുകള്‍ വന്നിരുന്നു. അതിനെല്ലാം വിരാമമിട്ടു കൊണ്ടായിരുന്നു വിവാഹ നിശ്ചയം നടന്നത്‌