കാവ്യയ്‌ക്കൊപ്പം കറങ്ങാന്‍ ദിലീപ് പുതിയ പോര്‍ഷെ കാര്‍ സ്വന്തമാക്കി, ഇനിയെല്ലാം നല്ലതേ നടക്കൂ...

പോര്‍ഷെ കെയിന്‍

മഹാഗണി മെറ്റളിക് നിറത്തിലുള്ള പുതിയ പോര്‍ഷെ കെയിനാണ് ദിലീപ് വാങ്ങിയിരിയ്ക്കുന്നത്. ജര്‍മന്‍ വാഹന നിര്‍മാതാക്കളായ പോര്‍ഷയുടെ ലക്ഷ്വറി എസ് യു വി കെയിനിന്റെ പ്ലാറ്റിനം എഡീഷനാണ് ദിലീപ് സ്വന്തമാക്കിയിരിയ്ക്കുന്നത്.

ഇത് രണ്ടാം തവണ

ഏതാണ്ട് രണ്ട് വര്‍ഷങ്ങള്‍ക്ക് മുന്‍പ് ദിലീപ് ഒരു പോര്‍ഷെ പനമേര സ്വന്തമാക്കിയിരുന്നു. അന്ന് വാങ്ങിയത് വെള്ള നിറത്തിലുള്ള കാറായിരുന്നു. അതിന് ശേഷം സ്വന്തമാക്കുന്ന രണ്ടാമത്തെ പോര്‍ഷെ കാറാണ് കെയിന്‍.

എന്താണ് വില

കൊച്ചിയിലെ പോര്‍ഷെ ഡിലര്‍ഷിപ്പില്‍ നിന്നാണ് ദിലീപ് കാര്‍ സ്വന്തമാക്കിയത്. ഏകദേശം 1.10 കോടി രൂപയാണ് വാഹനത്തിന്റെ കൊച്ചി എക്‌സ് ഷോറൂം വില. പോര്‍ഷെയുടെ മിഡ് സൈഡ് ലക്ഷ്വറി ക്രോസോവര്‍ എസ് യുവിയായ കെയിന്‍ ഡിസലിന്റെ പ്രത്യേക എഡിഷനാണ് പ്ലാറ്റിനം.

മറ്റ് താരങ്ങള്‍

മെഗാസ്റ്റാര്‍ മമ്മൂട്ടിയും പൃഥ്വിരാജും കുഞ്ചാക്കോ ബോബനുമാണ് ഈ അഡംബര എസ് യു വി സ്വന്തമായിട്ടുള്ള മറ്റ് മലയാളി താരങ്ങള്‍. 2002 ലായിരുന്നു പോര്‍ഷെ കെയിനിന്റെ രാജ്യാന്തര വിപണിയിലുള്ള അവതരണം. അന്ന് പുറത്തിറങ്ങിയ കെയിനിന്റെ രണ്ടാം തലമുറയാണ് ഇപ്പോള്‍ വിപണിയിലുള്ളത്.