ഹോം

വാർത്ത

സിനിമ ഒരു സ്വപ്‌നമായി കണ്ട് അതിന് പിന്നാലെ നടന്ന് ജീവിതം നഷ്ടപ്പെട്ട ഒരുപാട് യുവത്വം ഇവിടെുണ്ട്. ഇതില്‍ ചിലരൊക്കെ രക്ഷപ്പെട്ടുപോയി. തീര്‍ത്തും പുതുമയുള്ളതും വ്യത്യസ്തവുമായ കഥകളും സിനിമകളും അത്തരം സിനിമാ പ്രേമികളില്‍ നിന്നും ഉണ്ടായി. അങ്ങനെ സിനിമയെയും ദിലീപ് എന്ന നടനെയും ഭ്രാന്തമായി ആരാധിക്കുന്ന ഷിബു എന്ന ചെറുപ്പക്കാരന്റെ കഥ പറയുന്ന ചിത്രമാണ് ഷിബു.

32 ആം അധ്യായം 23 ആം വാക്യം എന്ന ചിത്രമൊരുക്കിയ അര്‍ജ്ജുനും ഗോകുലും ചേര്‍ന്നാണ് ഷിബു എന്ന ചിത്രം സംവിധാനം ചെയ്യുന്നത്. പ്രണീഷ് വിജയന്റേതാണ് തിരക്കഥ. വലിയ അവകാശവാദമൊന്നുമില്ലെന്നും, എന്നാല്‍ ചിത്രം നിങ്ങള്‍ ഇതുവരെ അനുഭവിക്കാത്ത പുതുമയുള്ള രീതിയിലാണ് അവതരിപ്പിച്ചിരിയ്ക്കുന്നത് എന്നും സംവിധായകന്‍ ഗോകുല്‍ രാമകൃഷ്ണൻ പറയുന്നു.

ഒരു പാലക്കാട് നാട്ടിന്‍പുറത്തുകാരന്റെ സിനിമയോടുള്ള ഭ്രമമാണ് ഷിബു. അയാളുടെ ചെറുപ്പം മുതല്‍ 25 വയസ്സ് വരെയുള്ള കാലം സിനിമയില്‍ പറയുന്നുണ്ട്. നവാഗതനായ കാര്‍ത്തിക് രാമകൃഷ്ണനാണ് ചിത്രത്തിലെ നായകന്‍. കവി ഉദ്ദേശിച്ചത്, ഞാന്‍ പ്രകാശന്‍ എന്നീ ചിത്രങ്ങളിലൂടെ ശ്രദ്ധേയയായ അഞ്ജു കൂര്യൻ നായികയായെത്തുന്നു.

ന്യൂ ജനറേഷൻ തിരിച്ചറിവുകളുടെ കഥയുമായി വകതിരിവ് എത്തുന്നു.. ട്രെയിലര്‍ കണ്ടു നോക്കൂ

സലിം കുമാര്‍, ബിജുക്കുട്ടന്‍ എന്നിവരുടെ നര്‍മ രംഗങ്ങളും ചിത്രത്തിലുണ്ട്. തട്ടത്തിന്‍ മറയത്ത്, ആനന്ദം എന്നീ ചിത്രങ്ങളിലൂടെ പിന്നണി ഗാനരംഗത്ത് ശ്രദ്ധേയനായ സച്ചിന്‍ വാര്യരാണ് ഷിബുവിന് വേണ്ടി സംഗീത സംവിധാനം നിര്‍വ്വഹിയ്ക്കുന്നത്. വരുന്ന 28 ന് സിനിമ റിലീസ് ചെയ്യും.