സിനിമ കാരണം പീഡിഗ്രിക്ക് തോറ്റു, അച്ഛന്റെ ആഗ്രഹം സാധിച്ചു കൊടുക്കാന്‍ സാധിച്ചില്ല എന്ന് മമ്മൂട്ടി!!

അച്ഛന്‍ ആഗ്രഹിച്ചത്

അച്ഛന് ഞാന്‍ ഒരു ഡോക്ടറായി കാണണം എന്നായിരുന്നു ആഗ്രഹം. എന്നാല്‍, അന്നത് സാധിച്ച് കൊടുക്കാന്‍ പറ്റിയില്ല, ഇപ്പോള്‍ രണ്ട് ഡോക്ടറേറ്റ് കിട്ടിയെന്നും അങ്ങനെ ഡോക്ടറായിരിക്കുകയാണെന്നും മമ്മൂട്ടി ചടങ്ങില്‍ പറഞ്ഞു.

തേവരയിലെ പഠനകാലം

തേവര കോളേജിലെ പഠനകാലവും മെഗാസ്റ്റാര്‍ ഓര്‍ത്തു. പഠിച്ചത് മലയാളം മീഡിയത്തില്‍ ആയിരുന്നു. അതിനാല്‍ പ്രീഡിഗ്രി കാലത്ത് പാഠങ്ങള്‍ മനസ്സിലാക്കാന്‍ ബുദ്ധിമുട്ടായിരുന്നു. ഇംഗ്ലീഷില്‍ പരിഞ്ജാനവും ഇല്ലായിരുന്നു.

സിനിമാ മോഹം തകര്‍ത്തത്

ആ സമയത്ത് തീവ്രമായ സിനിമാപ്രേമവും ഉണ്ടായിരുന്നു. അങ്ങനെ ഉഴപ്പി പ്രീഡിഗ്രിക്ക് തോറ്റു. അതോടെ എന്നെ ഡോക്ടറാക്കറണമെന്ന അച്ഛന്റെ മോഹം പൊലിഞ്ഞു എന്നാണ് മമ്മൂട്ടി പറഞ്ഞത്

അതിനുള്ള യോഗ്യതയില്ല

എന്നാല്‍, ഇന്ന് കേരളയൂണിവേഴ്‌സിറ്റിയും കാലിക്കറ്റ്‌യൂണിവേഴ്‌സിറ്റിയും ഡോക്ടറേറ്റ് നല്‍കി ആദരിച്ചതോടെ ഡോക്ടറായി. മെഡിക്കല്‍ ബിരുദദാനചടങ്ങില്‍ വരുമ്പോള്‍ ധരിക്കേണ്ട കറുത്തതൊപ്പിയും കോട്ടും അണിയാനുള്ള യോഗ്യത എനിക്കില്ല. അതുകൊണ്ടാണ് അണിയാത്തത് - മമ്മൂട്ടി പറഞ്ഞു