Click it and Unblock the Notifications
തടിയനൊപ്പം ദുല്ഖറും ഫഹദും
ഡിജെ ശേഖര് മേനോനന് തടിയനായെത്തുമ്പോള് കൂടെയുള്ള നിവീന് പോളി, നിവീന് പോളി, ശ്രീനാഥ ബാഷി, ആന് അഗസ്റ്റിന് എന്നിവരാണ്.
എന്നാല് ഇന്റര്നെറ്റിലൂടെയും മറ്റും തടിയനൊപ്പം ന്യൂജനറേഷന് താരങ്ങളായ ദുല്ഖറും ഫഹദ് ഫാസിലിനെയും കണ്ടതോടെ പ്രേക്ഷകര്ക്കൊരു ചെറിയ കണ്ഫ്യൂഷനിലായി. യുവനിരയിലെ സൂപ്പറുകളായി മാറിയിരിക്കുന്ന ഇവരും ഇതോടെ സിനിമയിലുണ്ടോയെന്നാണ് കുറെപ്പേരെങ്കിലും കരുതിയത്. ഇതിന്റെ അപകടം തിരിച്ചറിഞ്ഞതോടെ വിശദീകരണവുമായി സംവിധായകന് തന്നെ രംഗത്തെത്തിക്കഴിഞ്ഞു.
സിനിമയുടെ പ്രമോഷന് വേണ്ടി മാത്രമാണ് ദുല്ഖറും ഫഹദും സഹകരിച്ചിരിയ്ക്കുന്നതെന്നും ഇവര് സിനിമയില് അഭിനയിച്ചിട്ടില്ലെന്നും ഫേസ്ബുക്കിലൂടെ ആഷിക് അബു വ്യക്തമാക്കിയിരിക്കുന്നത്.
ചിത്രത്തിന്റെ പ്രമോഷന് ആല്ബമായ എന്താണ് ഭായി എന്ന ഗാനം നേരത്തെ തന്നെ വിവാദങ്ങളിലകപ്പെട്ടിരുന്നു. എംടിവി സൗണ്ട് ട്രിപ്പിന്നിന് വേണ്ടി സ്നേഹ ഖാന്വാല്ക്കര് തയാറാക്കിയ യേരെയുമായി എന്താണ് ഭായ്ക്ക് വലിയ സാദൃശ്യമുണ്ടെന്നായിരുന്നു ആക്ഷേപം. എന്നാലിത് ആഷിക് തന്നെ നിഷേധിയ്ക്കുകയും ചെയ്തു.
മമ്മൂട്ടി-മോഹന്ലാല് സിനിമകളോട് എതിരിട്ട് ഡിസംബര് 20നാണ് തടിയനെ ആഷിക്കും കൂട്ടരും എത്തിയ്ക്കുന്നത്.
Continue with Google