കംപ്ലീറ്റ് ആക്ടര്‍ മോഹന്‍ ലാല്‍ അല്ല ദുല്‍ഖര്‍ തന്നെ മുന്നില്‍; സാറ്റലൈറ്റ് റേറ്റ് ഒന്നു നോക്കൂ...

മുന്തിരിവള്ളിയെ പിന്തള്ളി ജോമോന്‍

മോഹന്‍ലാല്‍, മമ്മൂട്ടി, ദിലീപ് എന്നിവരുടെ ചിത്രങ്ങളുടെ സാറ്റലൈറ്റ് വിതരണാവകാശത്തിനായിരുന്നു മുന്‍പ് കൂടുതല്‍ ഡിമാന്‍ഡ്. എന്നാല്‍ ഇപ്പോള്‍ സ്ഥിതിഗതികളാകെ മാറി മറിഞ്ഞു. 6.10 കോടിക്ക് മഴവില്‍ മനോരമയാണ് ജോമോന്റെ സുവിശേഷങ്ങളുടെ സാറ്റലൈറ്റ് വിതരണാവകാശം സ്വന്തമാക്കിയത്.

സത്യന്‍ അന്തിക്കാടും ഡിക്യുവും

കുടുംബ പ്രേക്ഷകരുടെ സ്വന്തം സംവിധായകനായ സത്യന്‍ അന്തിക്കാടും യുവജനതയുടെ ഹരമായി മാറിയ ദുല്‍ഖര്‍ ചിത്രത്തിന് വന്‍ സ്വീകാര്യതയാണ് ലഭിച്ചുകൊണ്ടിരിക്കുന്നത്. ക്രിസ്മസിന് റിലീസ് ചെയ്യുമെന്നറിയിച്ച ചിത്രം സിനിമാ പ്രതിസന്ധി കാരണം അനിശ്ചിതമായി നീളുകയായിരുന്നു.

മുന്തിരിവള്ളി സ്വന്തമാക്കിയത് സൂര്യടിവി

5.80 കോടി രൂപയ്ക്കാണ് മുന്തിരിവള്ളിയുടെ വിതരണാവകാശം സൂര്യ ടിവി സ്വന്തമാക്കിയത്. പിലുമുരുകന് ശേഷം ഇറങ്ങിയ മോഹന്‍ലാല്‍ ചിത്രവും ലക്ഷ്യമിട്ടത് കുടുംബപ്രേക്ഷകരെയാണ്. വെള്ളിമൂങ്ങയ്ക്ക് ശേഷം ജിബു ജേക്കബ് സംവിധാനം ചെയ്ത ചിത്രത്തിന് തിയേറ്ററുകളില്‍ മികച്ച പ്രതികരണമാണ് ലഭിച്ചുകൊണ്ടിരിക്കുന്നത്.

കുടുംബ കഥയുമായി മോഹന്‍ലാലും സംഘവും

വെള്ളിമൂങ്ങ സമ്മാനിച്ച വിജയത്തിന് ശേഷം ജിബു ജേക്കബ് മോഹന്‍ലാലിനെ നായകനാക്കി ഒരുക്കിയ ചിത്രമാണ് മുന്തിരിവള്ളികള്‍ തളിര്‍ക്കുമ്പോള്‍. തികച്ചും കുടുംബ പശ്ചാത്തലത്തിലൊരുക്കിയ ചിത്രം നിറഞ്ഞ സദസ്സുകളില്‍ പ്രദര്‍ശനം തുടരുകയാണ്.