വാപ്പച്ചിയുടെ സിനിമയില്‍ അഭിനയിക്കണമെങ്കില്‍ താന്‍ ഓഡിഷന് പോവണം! താരപുത്രന്റെ വെളിപ്പെടുത്തല്‍!

ബിഗ് ബിയില്‍ ദുല്‍ഖര്‍ ഉണ്ടോ?

ഷ്യാ വിഷന്‍ പുരസ്‌കാര ചടങ്ങില്‍ പങ്കെടുക്കാനെത്തിയപ്പോഴായിരുന്നു അവതാരകന്‍ ദുല്‍ഖറിന്റെ പേരില്‍ പ്രചരിക്കുന്ന ഗോസിപ്പുകളെ കുറിച്ച് ചോദിച്ചത്. അതിനെ കുറിച്ചുള്ള കാര്യങ്ങള്‍ അമല്‍ നീരദ് വ്യക്തമാക്കിയിട്ടുണ്ടെന്നായിരുന്നു ദുല്‍ഖര്‍ പറഞ്ഞിരുന്നത്.

താല്‍പര്യമുണ്ടോ?

ബിഗ് ബി തന്റെ ദുബായ് ജീവിതവുമായി ഒരുപാട് ബന്ധപ്പെട്ട് കിടക്കുന്നതാണെന്നും സിനിമയിലഭിനയിക്കാന്‍ തനിക്ക് അത്രയും ആഗ്രഹമുള്ളതായും താരം പറയുന്നു. മാത്രമല്ല അതിന് ഓഡിഷന് പോയി നില്‍ക്കാം എന്നും ദുല്‍ഖര്‍ പറയുന്നു.

ബിഗ് ബി കാണുന്നത് ഇതിനാണ്

വാപ്പച്ചിയെ മിസ് ചെയ്യുമ്പോള്‍ താന്‍ ബിഗ് ബി സിനിമയാണ് കാണുന്നത്. എന്റെ ഡിവിഡി കളക്ഷനില്‍ ആകെയുണ്ടായിരുന്നത് ബിഗ് ബി ആയിരുന്നെന്നും ദുല്‍ഖര്‍ പറയുന്നു. സിനിമയുടെ പശ്ചാതല സംഗീതം വളരെയധികം ഇഷ്ടമാണെന്നും അത് വേദിയില്‍ മൂളാനും ദുല്‍ഖര്‍ മറന്നില്ല.

ബിഗ് ബി യുണിവേഴ്‌സിറ്റിയാണ്..

ബിഗ് ബിയുടെ എത്ര ഭാഗം വന്നാലും ആ സിനിമ എല്ലാവര്‍ക്കും ഇഷ്ടമാവും. മലയാള സിനിമ ഇന്‍ഡസ്ട്രിയ്ക്ക് ഒരു യൂണിവേഴ്‌സിറ്റി പോലെയാണെന്നും അതിന് വേണ്ടി കാത്തിരിക്കാന്‍ വയ്യെന്നും ദുല്‍ഖര്‍ പറയുന്നു.

വാപ്പച്ചിയുടെ സിനിമ പുനവതരിപ്പിക്കാന്‍ കഴിയുമോ?

പിതാവിന്റെ എതെങ്കിലും സിനിമയില്‍ റീമേക്ക് ചെയ്ത് വരുമ്പോള്‍ അഭിനയിക്കാന്‍ അവസരം കിട്ടിയാല്‍ ദുല്‍ഖര്‍ ഏത് സിനിമയായിരിക്കും തിരഞ്ഞെടുക്കുക എന്ന് ചോദിച്ചപ്പോള്‍ അത് അത്ര എളുപ്പമുള്ള കാര്യമല്ലെന്നും സാമ്രാജ്യം ദി കിങ്ങ് പോലുള്ള സിനിമകളാണ് ഏറ്റവും ഇഷ്ടമുള്ളതെന്നും കുഞ്ഞിക്ക വെളിപ്പെടുത്തുന്നു.