ആദ്യം ഭയമായിരുന്നു!! മണിസാറിന്റെ സിനിമയിൽ വിളിക്കുന്നത് ഹാര്‍വാര്‍ഡില്‍ പ്രവേശനം ലഭിച്ചതു പോലെ

ചെറുപ്പം മുതലെ അടുത്ത ബന്ധം

ചെറുപ്പം മുതലെ മണിരത്നത്തിന്റെ സെറ്റുമായി അടുത്ത ബന്ധമാണ്. അദ്ദേഹത്തിന്റെ സെറ്റിൽ ഓടി കളിച്ചു വളർന്ന ആളണ് താനെന്നും ദുൽഖർ പറഞ്ഞു. മമ്മൂട്ടി, ശോഭന, രജനികാന്ത് എന്നവർ തകർത്ത് അഭിനയിച്ച ചിത്രമായിരുന്നു ദളപതി. ചിത്രത്തിന്റെ ഷൂട്ടിങ്ങ് നടക്കുന്ന സമയത്ത് വാപ്പച്ചിയോടൊപ്പം ലൊക്കേഷനിൽ പോയിട്ടുണ്ട്. ദളപതിയ്ക്ക് ശേഷവും വാപ്പച്ചിയും മണിരത്നം സാറുമായി കൂടിക്കാഴ്ചകൾ നടന്നിരുന്നു. ഇരുവര്‍ എന്ന ചിത്രത്തിന്റെ സമയത്താണ് അവര്‍ കൂടുതല്‍ അടുത്തറിഞ്ഞത്. സിനിമകളുടെ ചര്‍ച്ചകളും നടന്നിരുന്നു. ചെന്നൈയില്‍ സാറിന്റെ ഓഫീസും എന്റെ വീടും അടുത്തടുത്തായിരുന്നു. അതിനാൽ അദ്ദേഹത്തെ എപ്പോഴും കാണാനുളള അവസരവും ലഭിച്ചിരുന്നു.

സിനിമയിൽ അവസരം ലഭിച്ചപ്പോൾ ഭയം

വർഷങ്ങൾക്ക് ശേഷം മണിരത്നം സാറിന്റെ സിനിമയിൽ അവസരം ലഭിച്ചപ്പോൾ വല്ലാതെ ഭയപ്പെട്ടിരുന്നു. ഷൂട്ടിനിടെ അദ്ദേഹത്തിനോടൊപ്പമിരിക്കുമ്പോൾ എന്തെങ്കിലും സംസാരിക്കണമെന്ന് എപ്പോഴും തോന്നാറുണ്ട്. എന്നാൽ പൊതുവെ നിശബ്ദനായ വ്യക്തിയാണ് അദ്ദേഹം. എന്നാൽ എന്റെ ഉള്ളിൽ നിന്ന് ആരോ മന്ത്രിക്കാറുണ്ട് എന്തെങ്കിലും ഒന്നു സംസാരിക്കൂ എന്ന്. എന്നാൽ ചുറ്റലും കൊടും നിശബ്ദതയാണ്.

ഹാര്‍വാര്‍ഡില്‍ പ്രവേശനം പോലെ

നിശബ്ദനായിരിക്കുമ്പോഴും അദ്ദേഹത്തിന്റെ ഉളളിൽ സിനിമയും സീനുകളുമായിരിക്കും.മണിസാറിന്റെ സിനിമയിലേക്ക് വിളിക്കുകയെന്നാല്‍ ഒരാള്‍ക്ക് ഹാര്‍വാര്‍ഡിലേക്കോ മറ്റോ പ്രവേശനം ലഭിച്ചതു പോലെയാണ്. അദ്ദേഹത്തിന്റെ വിളി തന്നെ ഏറ്റവും വലിയ അംഗീകാരമാണെന്നും ദുഖർ പറഞ്ഞു. സിനിമയിൽ നിങ്ങൾ ശ്രദ്ധിക്കപ്പെടുന്നുണ്ടെന്നും നിങ്ങൾ എന്തെങ്കിലുമൊക്കെ ചെയ്യുന്നതായി തോന്നുമെന്നം താരം കൂട്ടിച്ചേർത്തു.

ദളപതി

1991 ൽ ദീപാവലി റിലീസായിട്ടാണ് ദളപതി ഇറങ്ങിയത്. ഏറെ പ്രത്യേകത നിറഞ്ഞ ചിത്രമായിരുന്നു ദളപതി. ഛായാഗ്രഹകൻ സന്തോഷ് ശിവന്റെ ആദ്യ മണിരത്നം ചിത്രമായിരുന്നു അത് കൂടാതെ ഇളയരാജ- മണിരത്നം ഒന്നിച്ച അവസാന ചിത്രവും.ചിത്രത്തിലെ പാട്ടുകളെല്ലാം തന്നെ സൂപ്പര്‍ ഹിറ്റായിരുന്നു.