കുടുംബം ഒന്നിക്കുമ്പോള്‍ വണ്ടിയുടെ കീ തട്ടിയെടുക്കും , ജോമോനിലെ ബസ് സീനിനെക്കുറിച്ച് ഡിക്യു

സംവിധായകന് ടെന്‍ഷന്‍ പക്ഷേ ഡിക്യു കൂളായിരുന്നു

തിയേറ്ററുകളെ മുഴുവനും ആശങ്കയില്‍ നിര്‍ത്തുന്ന രംഗമാണ് ചിത്രത്തില്‍ താരം ബസ് ഓടിക്കുന്നത്. ഈ രംഗം പൂര്‍ത്തിയാക്കുന്നതിനെക്കുറിച്ച് സംവിധായകനടക്കെ സെറ്റിലുള്ളവര്‍ക്കും ടെന്‍ഷന്‍ ഉണ്ടായിരുന്നു. എന്നാല്‍ ഏവരെയും അമ്പരപ്പിച്ചു കൊണ്ട് വളരെ കൂളായാണ് ഡിക്യു ആ രംഗം പൂര്‍ത്തിയാക്കിയത്.

കുടുംബം ഒരുമിക്കുമ്പോള്‍ കീ തട്ടിപ്പറിക്കും

കുടുംബാംഗങ്ങള്‍ ഒരുമിച്ച് യാത്ര ചെയ്യുമ്പോള്‍ ഡ്രൈവര്‍ സ്ഥാനം തട്ടിയെടുക്കാന്‍ ശ്രദ്ധിക്കാറുണ്ട് ദുല്‍ഖര്‍. വാപ്പച്ചിയുടെ വാഹനക്കമ്പം അതേ പോലെ ലഭിച്ച മകന്‍ അങ്ങനെ ചെയ്തില്ലെങ്കിലല്ലേ അദിഭുതമുള്ളൂ. എറണാകുളത്തു നിന്നു തുടങ്ങി ചെന്നൈ വരെ ഡ്രൈവ് ചെയിട്ടുണ്ട്. വലിയ വണ്ടികള്‍ ഓടിച്ച് പരിചയമുള്ളതിനാല്‍ സീനിനെക്കുറിച്ചോര്‍ത്ത് യാതൊരു ടെന്‍ഷനും ഉണ്ടായിരുന്നില്ലെന്നും ദുല്‍ഖര്‍ പറഞ്ഞു.

കേള്‍ക്കുമ്പോള്‍ ഒരു ഹരം വേണം

പ്രേക്ഷകര്‍ കാണണമെന്നാഗ്രഹിക്കുന്ന സിനിമകള്‍ ചെയ്യാനാണ് താല്‍പര്യം. എഴുത്തുകാരനോ സംവിധായകനോ കഥ പറയുമ്പോള്‍ അതിലൊരു ഹരം ഉണ്ടോയെന്ന് നോക്കും.

വിജയ പരാജയങ്ങള്‍ കൈകാര്യം ചെയ്യാന്‍ ശീലിച്ചു

തുടക്കകാലത്ത് സിനിമ പരാജയപ്പെടുമ്പോള്‍ ഏറെ വേദനിച്ചിരുന്നു. പിന്നീട് ഇന്‍ഡസ്ട്രിയുടെ ഭാഗമായി കാണാന്‍ ശീലിച്ചു,. ഇപ്പോള്‍ ജയപരാജയം കൃത്യമായ രീതിയില്‍ കൈകാര്യം ചെയ്യാന്‍ ശീലിച്ചുവെന്നും താരം പറഞ്ഞു.