മയക്ക് മരുന്ന് കേസിന് ദിലീപിന്റെ നായികയ്ക്ക് നോട്ടീസ്, എല്ലാവര്‍ക്കും കഷ്ട കാലം തന്നെ??

നടി ചാര്‍മിയ്ക്കും

ആഗതന്‍ എന്ന ചിത്രത്തില്‍ ദിലീപിന്റെ നായികയായി അഭിനയിച്ച ചാര്‍മി എന്ന തെന്നിന്ത്യന്‍ താരമാണ് ഇപ്പോള്‍ പെട്ടിരിയ്ക്കുന്നത്. എന്നാല്‍ ദിലീപ് നേരിടുന്ന പ്രശ്‌നവുമായി ചാര്‍മിയ്ക്ക് യാതൊരു തര ബന്ധവുമില്ല എന്ന് ആദ്യമേ പറയട്ടെ...

ഇത് മയക്ക് മരുന്ന് കേസ്

ചാര്‍മിയെ പെടുത്തിയിരിയ്ക്കുന്നത് മയക്ക് മരുന്ന് കേസാണ്. ചാര്‍മി ഉള്‍പ്പടെ 15 നടീ - നടന്മാര്‍ക്ക് തെലങ്കാന എക്‌സൈസ് വകുപ്പ് നോട്ടീസ് അയച്ചു. നടന്‍ രവി തേജ, സംവിധായകന്‍ പൂരി ജഗന്നാഥ്, സുബ്രം രാജു, ഗായിക ഗീത, ആനന്ദ കൃഷ്ണ നന്ദു, തനീഷ്, നവദീപ്, ശ്യാം കെ നായിഡു, മുബൈദ് ഖാന്‍ എന്നിവര്‍ക്കും നോട്ടീസ് അയച്ചിട്ടുണ്ട്.

എന്താണ് സംഭവം

കഴിഞ്ഞ ദിവസം പിടിയിലായ മയക്ക് മരുന്ന് മാഫിയയുമായി ബന്ധമുണ്ടെന്ന സംശയത്തെ തുടര്‍ന്ന് ചോദ്യം ചെയ്യാനാണ് 15 സിനിമാ താരങ്ങള്‍ക്ക് നോട്ടീസ് അയച്ചിരിയ്ക്കുന്നത്. സംഘത്തില്‍ ഉള്‍പ്പെട്ട ഒരാളുടെ മൊബൈലില്‍ നിന്നും ലഭിച്ച വിവരങ്ങളുടെ അടിസ്ഥാനത്തിലാണ് നടീ - നടന്മാരിലേക്ക് അന്വേഷണമെത്തിയത്. ജൂലൈ 19 നും 27 നും ഇടയില്‍ ചോദ്യം ചെയ്യലിന് ഹാജരാവണം എന്നാണ് നിര്‍ദ്ദേശം.

വ്യക്തമായ തെളിവുണ്ട്

കേസില്‍ താരങ്ങള്‍ക്കെതിരെ വ്യക്തമായ തെളിവുകളുണ്ടെന്ന് എക്‌സൈസ് ഉദ്യോഗസ്ഥര്‍ വ്യക്തമാക്കി. സിസിടിവി ദൃശ്യങ്ങളും പണം കൈ മാറിയതിന്റെ തെളിവുകളും ലഭിച്ചിട്ടുണ്ടത്രെ. 2008 മുതലാണ് തെലുങ്ക് സിനിമയില്‍ ലഹരി മാഫിയ പിടിമുറുക്കുന്നത്. താരങ്ങളുടെ ലഹരി ഉപയോഗത്തിനെതിരെ താരസംഘടനയായ മാ നോട്ടീസ് നല്‍കിയിരുന്നു.

ആഗതിനിലെ നായിക

ആഗതിന് മുന്‍പ് കാട്ടുചെമ്പകം എന്ന ചിത്രത്തിലൂടെയാണ് ചാര്‍മി കൗര്‍ മലയാള സിനിമയില്‍ എത്തിയത്. മമ്മൂട്ടിയുടെ താപ്പാനയാണ് ആഗതന്‍ കൂടാതെ ചാര്‍മിയുടെ മറ്റൊരു മലയാള സിനിമ. ഗ്ലാമര്‍ വേഷങ്ങളിലൂടെയാണ് ചാര്‍മി കൗര്‍ തെലുങ്കിലും തമിഴിലും ശ്രദ്ധിക്കപ്പെട്ടത്.