എസ്ര മുപ്പത് കോടി കടന്നു... മൊയ്തീനൊപ്പം എത്തുമോ, മൊയ്തീനെ കടത്തി വെട്ടുമോ?

30 കോടി കടന്നു

കേരളത്തിന് പുറത്ത് നിന്ന് ചിത്രം മൂന്ന് ദിവസം കൊണ്ട് 1.57 കോടി രൂപ ഗ്രോസ് കലക്ഷന്‍ നേടിയിരുന്നു. ഇന്ത്യയ്ക്ക് പുറത്തെ കലക്ഷന്‍ മൂന്ന് കോടിയ്ക്ക് മുകളിലാണ്. അങ്ങനെ ആകെ മൊത്തെ ഇതുവരെ ചിത്രം 30 കോടി കടന്നു എന്നാണ് റിപ്പോര്‍ട്ടുകള്‍.

50 കോടി നേടുമോ

23 ദിവസം കൊണ്ട് 30 കോടി കടന്ന ചിത്രം വരും ദിവസങ്ങളില്‍ 50 കോടി നേടും എന്നാ ട്രേഡ് അനലൈസ് റിപ്പോര്‍ട്ടുകള്‍. കേരളത്തിന് പുറത്തുനിന്നും മികച്ച റിപ്പോര്‍ട്ടുകളാണ് എസ്രയ്ക്ക് ലഭിച്ചുകൊണ്ടിരിയ്ക്കുന്നത്

മൊയ്തീന് ശേഷം എസ്ര ?

പൃഥ്വിയുടെ കരിയറിലെ ഏറ്റവും മികച്ച ബോക്‌സോഫീസ് കലക്ഷന്‍ നേടിയ ചിത്രമാണ് എന്ന് നിന്റെ മൊയ്തീന്‍. ആര്‍ എസ് വിമല്‍ സംവിധാനം ചെയ്ത എന്ന് നിന്റെ മൊയ്തീന്റെ ആകെ കലക്ഷന്‍ 50 കോടിയാണ്. നേരത്തെ പൃഥ്വിയുടെ അമര്‍ അക്ബര്‍ അന്തോണി എന്ന ചിത്രവും 30 കോടി കടന്നിട്ടുണ്ട്.

വിജയകരമായി തുടരുന്നു

മലയാളത്തിന് ഒട്ടും പരിചിതമല്ലാത്ത ജൂത കഥയുടെ പശ്ചാത്തലത്തില്‍ കഥ പറഞ്ഞ ഹൊറര്‍ ത്രില്ലറാണ് ജെകെ സംവിധാനം ചെയ്ത എസ്ര. ഫെബ്രുവരി 10 ന് കേരളത്തിലും 17 മുതല്‍ കേരളത്തിന് പുറത്തും ചിത്രം റിലീസ് ചെയ്തു. ഇപ്പോഴും വിജയകരമായി പ്രദര്‍ശനം തുടരുന്നു