ജനപ്രീതി തിരിച്ചുപിടിക്കാനൊരുങ്ങി ദിലീപ്, പൂരക്കാഴ്ചയൊരുക്കി ജോര്‍ജേട്ടനും കൂട്ടരും എത്തുന്നു

പ്രേക്ഷകരെ കൈയിലെടുക്കാന്‍ കോമഡി എന്റര്‍ടെയ്‌നറുമായി ദിലീപ്

ദിലീപ് സിനിമയിലെ സ്ഥിരം ചേരുവയായ കോമഡി തന്നെയാണ് ഈ ചിത്രത്തിലെയും പ്രധാന ഹൈലൈറ്റ്. കുടുംബ പ്രേക്ഷകരെയാണ് പ്രധാനമായും ഈ സിനിമ ലക്ഷ്യമിടുന്നത്. ജീവിതം ആഘോഷമാക്കി മാറ്റുന്ന ജോര്‍ജേട്ടനെയും കൂട്ടുകാരെയും പ്രേക്ഷകര്‍ സ്വീകരിക്കുമോയെന്നത് കാത്തിരുന്ന് കാണേണ്ട കാര്യമാണ്.

ജോര്‍ജും കൂട്ടുകാരും

എന്തിനും ഏതിനും ജോര്‍ജിന്റെ കൂടെ നില്‍ക്കുന്ന സുഹൃത്തുക്കളാണ്. വിനയ് ഫോര്‍ട്ടും ഷറഫുദ്ദീനുമാണ് കൂട്ടുകാരുടെ വേഷത്തിലെത്തുന്നത്.

മകനെ പുരോഹിതനായി കാണാന്‍ ആഗ്രഹിച്ച പിതാവ് എന്നാല്‍ സംഭവിച്ചതോ??

മാര്‍ത്തോമക്കാരനായ മാത്യൂസ് വടക്കന്റെ മകനാണ് ജോര്‍ജ് വടക്കന്‍. ഫാദര്‍ മാത്യൂസിന്റെ ഏറ്റവും വലിയ ആഗ്രഹങ്ങളിലൊന്ന് മകനെ ഒരു പുരോഹിതനായി കാണുകയെന്നതാണ്. പക്ഷേ സംഭവിച്ചത് മറിച്ചായിരുന്നു. ഫാദര്‍ മാത്യുവായി രണ്‍ജി പണിക്കരാണ് വേഷമിടുന്നത്.

ജോര്‍ജിന്റെ കഥ

ജീവിതത്തില്‍ യാതൊരുവിധ ചുമതലകളോ ഉത്തരവാദിത്തമോ ഇല്ലാതെ നടന്നിരുന്ന ജോര്‍ജിന്റെ ജീവിതത്തില്‍ സംഭവിക്കുന്ന ചില നിര്‍ണ്ണായക സംഭവങ്ങളാണ് സിനിമയെ മുന്നോട്ട് കൊണ്ടുപോകുന്നത്. ജനുവരിയില്‍ ചിത്രം തിയേറ്ററുകളിലേക്കെത്തും.