ഗോകുല്‍ സുരേഷ്

സുരേഷ് ഗോപിയുടെ മകന്‍ ഗോകുല്‍ സുരേഷും ഇപ്പോള്‍ സിനിമ സജീവമായിരിക്കുകയാണ്. മുത്തുഗൗ എന്ന സിനിമയിലൂടെ നായകനായിട്ടാണ് ഗോകുല്‍ ആദ്യമായി സിനിമയില്‍ അഭിനയിച്ചത്. ഇപ്പോള്‍ ഗോകുല്‍ നായകനായി അഭിനയികുന്ന മൂന്ന് സിനിമകള്‍ അണിയറയില്‍ ഒരുങ്ങി കൊണ്ടിരിക്കുകയാണ്.

മാസ്റ്റര്‍പീസ്

മമ്മുട്ടി നായകനായി അഭിനയിക്കുന്ന മാസ്റ്റര്‍ പീസ് എന്ന സിനിമയിലും പ്രധാന കഥാപാത്രത്തില്‍ ഗോകുല്‍ അഭിനയിക്കുന്നുണ്ട്. സിനിമ സെപ്റ്റംബര്‍ അവസാന ആഴ്ചയോടെ തിയറ്ററുകളില്‍ റിലീസിനെത്താന്‍ പോവുകയാണ്.

പപ്പു

ഗോകുല്‍ നായകനായി അഭിനയിക്കുന്ന മറ്റൊരു സിനിമയാണ് പപ്പു. പപ്പു എന്ന കഥാപാത്രത്തെ തന്നെയാണ് ഗോകുല്‍ അവതരിപ്പിക്കുന്നത്. ജോലിയില്ലാതെ അലഞ്ഞ് നടക്കുന്ന പപ്പുവിന്റെ ജീവിതത്തിലേക്ക് പ്രണയം കടന്ന് വരുന്നതും പിന്നീടുണ്ടാവുന്ന സംഭവങ്ങളുമാണ് സിനിമയുടെ ഇതിവൃത്തം.

ആദ്യ സിനിമയിലെ അനുഭവം

ചിത്രം പ്രതീക്ഷിച്ച പോലെ വിജയിക്കാന്‍ കഴിഞ്ഞിരുന്നില്ലെങ്കിലും ആരും മോശം അഭിപ്രായം ഒന്നും പറഞ്ഞിരുന്നില്ല. വിമര്‍ശനം താങ്ങാനുള്ള മനക്കരുത്ത് തനിക്കുണ്ടെന്നാണ് ഗോകുല്‍ പറയുന്നത്.

മമ്മൂക്കയുടെ അഭിനന്ദനം

ഗോകുലിന്റെ അഭിനയം കണ്ട് മമ്മൂട്ടി അഭിനന്ദിച്ചിരുന്നു. അജയ് വാസുദേവ് മമ്മൂട്ടി കൂട്ടുകെട്ടില്‍ പിറക്കുന്ന സിനിമയിലെ അഭിനയം നേരിട്ട് കണ്ടപ്പോഴായിരുന്നു താരപുത്രന് അഭിനന്ദനവുമായി മമ്മൂട്ടി രംഗത്തെത്തിയത്.

സാധാരണക്കാരന്‍ ആവണം

സിനിമാ കുടുംബത്തില്‍ നിന്നുമാണ് വരുന്നതെങ്കിലും ഗോകുല്‍ സുരേഷ് ഗോപിയ്ക്ക് സാധാരണക്കാരനായി ജീവിക്കാനാണ് ഇഷ്ടം. അതിനായി മോഹന്‍ലാലിന്റെ മകന്‍ പ്രണവ് മോഹന്‍ലാലിനെയാണ് ഗോകുല്‍ മാതൃകയാക്കുന്നത്.