ആ രാത്രി ഉറങ്ങിയിട്ടില്ല, ഹരിശ്രീ അശോകന്‍ പറയുന്നു

ഇമോഷണല്‍ രംഗം

അതൊരു ഇമോഷണല്‍ രംഗം കൂടിയായിരുന്നു. ദിലീപ് അവതരിപ്പിക്കുന്ന കഥാപാത്രത്തിന് സംസാരിക്കാന്‍ കഴിയുമെന്ന് അറിയുമ്പോള്‍ താന്‍ അവതരിപ്പിക്കുന്ന സകഥാപാത്രം ദിലീപിന്റെ അടുത്ത് എത്തി എന്നെ ചതിക്കുവായിരുന്നോടാ എന്ന് ചോദിക്കുന്നതായിരുന്നുവത്രേ ആ രംഗം. ദിലീപ് പെട്ടന്ന് രമണ എന്ന് വിളിക്കുന്നുണ്ട്. പിന്നീട് ദിലീപിനെ തല്ലുകയാണ്.

അന്ന് രാത്രി

അന്ന് രാത്രി വിഷമത്തില്‍ ഇരിക്കുമ്പോള്‍ ദിലീപ് വന്നു ചോദിക്കുകയാണ്. രമണാ നിനക്ക് ദേഷ്യമാണോ? വളരെ ഇമോഷണലായി ഞാന്‍ എണീറ്റ് സ്‌നേഹിച്ചാല്‍ ചങ്കു പറിച്ചു തരുന്നവനാഡാ ഈ രമണന്‍ എന്ന് പറയുകയാണ്. തനിക്ക് ഒത്തിരി സപ്പോര്‍ട്ടും അഭിനയവും കിട്ടിയ രംഗമായിരുന്നു ഇത്. പക്ഷേ ഡിലീറ്റ് ചെയ്തു.

ആ രാത്രി ഉറങ്ങിയില്ല

ഡബ്ബിങ് ആര്‍ട്ടിസ്റ്റ് സരിത എഡിറ്റിങിന്റെ സമയത്ത് ഈ രംഗം കണ്ടപ്പോള്‍ തന്നെ വിളിച്ച് അഭിനന്ദിച്ചു. അത് പറയാനായി റാഫിയെ വിളിച്ചപ്പോഴാണ് പറയു്ന്നത്. അത് ഡിലീറ്റ് ചെയ്യുമെന്ന്. അഭിനയിച്ചതില്‍ എന്തെങ്കിലും കുഴപ്പമുണ്ടായിട്ടാണോ എന്നാണ് ഞാന്‍ ആദ്യം ചോദിച്ചത്. പക്ഷേ റാഫി ഒന്നും പറയാതെ കോള്‍ കട്ട് ചെയ്തു. ആ ദിവസം തനിക്ക് ഉറങ്ങാന്‍ കഴിഞ്ഞില്ലെന്ന് ഹരിശ്രീ അശോകന്‍ പറയുന്നു.

പക്ഷേ സത്യം ഇതായിരുന്നു

സിനിമ റിലീസ് ചെയ്തതിന് ശേഷം ഞാന്‍ വീണ്ടും റാഫിയെ വിളിച്ചു. സിനിമ വിജയിച്ചില്ലേ, ഇനി ആ രംഗം ചേര്‍ത്തൂടെ എന്ന്. എന്നാല്‍ റാഫിയുടെ മറുപടി ഇങ്ങനെയായിരുന്നു. ആ കഥാപാത്രം കരയുന്ന സീന്‍ ഉള്‍പ്പെടുത്തിയാല്‍ സിനിമയെ മുഴുവന്‍ ബാധിക്കും എന്നായിരുന്നു. സത്യം അതാണ്. ഹരീശ്രീ അശോകന്‍ പറഞ്ഞു.