പ്രണവ് അഭിനയിക്കുന്നതിന്റെ ആഘോഷമോ, കുടുംബത്തിനൊപ്പം മോഹന്‍ലാലിന്റെ ചിത്രങ്ങള്‍ കാണൂ..

തിരുവനന്തപുരത്ത് ഒന്നിച്ചു

പുതിയ ചിത്രത്തിന്റെ ഷൂട്ടിങ് തുടങ്ങുന്നതുമായി ബന്ധപ്പെട്ട് മോഹന്‍ലാലും പ്രണവും തിരുവനന്തപുരത്തെത്തി. വീണ്ടും നാല് പേരും ഒന്നിച്ചപ്പോള്‍ പ്രണവിന്റെ അഭിനയാരങ്ങേറ്റം ആഘോഷമാക്കുന്നതിന്റെ ഭാഗമായിരുന്നുവത്രെ ഫോട്ടോഷൂട്ട്.

ഒരേ ദിവസം പൂജ

മോഹന്‍ലാലിനെ നായകനാക്കി വിഎ ശ്രീകുമാര്‍ സംവിധാനം ചെയ്യുന്ന ഒടിയാന്‍ എന്ന ചിത്രത്തിന്റെ പൂജാ ദിവസം തന്നെ ജീത്തു ജോസഫ് - പ്രണവ് ചിത്രത്തിന്റെ പൂജയും തിരുവനന്തപുരത്ത് വച്ച് നടക്കും എന്നാണ് കേള്‍ക്കുന്നത്. രണ്ട് ചിത്രങ്ങളും നിര്‍മിയ്ക്കുന്നത് ആശിര്‍വാദ് ഫിലിംസിന്റെ ബാനറില്‍ ആന്റണി പെരുമ്പാവൂരാണ്.

പ്രണവ് ചിത്രം

ജീത്തു ജോസഫ് - പ്രണവ് ചിത്രത്തെ കുറിച്ച്, ത്രില്ലര്‍ ചിത്രം എന്നതിനപ്പുറമുള്ള വിവരങ്ങളൊന്നും പുറത്ത് വിട്ടിട്ടില്ല. സിനിമയ്ക്ക് വേണ്ടി പ്രണവ് വിദേശത്ത് പോയി പാര്‍ക്കൗര്‍ പരിശീലനം ഒക്കെ നടത്തിയിരുന്നു. പൂജാ ദിവസം ചിത്രത്തിന്റെ പേര് ഉള്‍പ്പടെയുള്ള മറ്റ് കാര്യങ്ങള്‍ വെളിപ്പെടുത്തുമെന്നാണ് റിപ്പോര്‍ട്ടുകള്‍.

വിസ്മയയും സുചിത്രയും ഹാപ്പി

പ്രണവിന്റെ അഭിനയാരങ്ങേറ്റത്തിന്റെ ത്രില്ലിലാണ് സഹോദരി വിസ്മയ. അമ്മ സുചിത്രയും എല്ലാ പിന്തുണയും നല്‍കി കൂടെയുണ്ട്. നാളുകള്‍ക്ക് ശേഷമാണ് മോഹന്‍ലാല്‍ കുടുംബത്തിനൊപ്പം ഇങ്ങനെയൊരു ഫോട്ടോഷൂട്ട് നടത്തുന്നത്.