ശരിയ്ക്കും പ്രേതത്തെ കണ്ടിട്ടുണ്ടോ!! പ്രേതം2 വിന്റെ ഏറ്റവും പുതിയ ടീസർ പുറത്ത്.. കാണൂ

ജോൺ ഡോൺ ബോസ്കോ

പ്രേതം ആദ്യ ഭാഗത്തിന്റെ തുടർച്ചയല്ല രണ്ടാം ഭാഗം. ഒന്നാം ഭാഗത്തിൽ നിന്ന് വ്യത്യസ്തമായ കഥാഗാതിയിലൂടെയാണ് ചിത്രം നീങ്ങുന്നത്. പ്രേതം ആദ്യ ഭാഗത്തിലെ മെന്റലിസ്റ്റ് ജോൺ ഡോൺ ബോസ്കോ മാത്രമാണ് രണ്ടാം ഭാഗത്തിലുളളത്. ബാക്കി കഥാപാത്രങ്ങളൊക്കെ ആദ്യ ഭാഗവുമായി യാതൊരുവിധ ബന്ധവുമില്ല

ആകാംക്ഷ സൃഷ്ടിക്കുന്ന ടീസർ

പ്രേക്ഷകരെ ആകാംക്ഷയുടെ മുൾനമുനയിൽ നിർത്തുന്ന തരത്തിലുളള ടീസറു ട്രെയിലറുമാണ് ചിത്രത്തിൽ ഒരുക്കിയിരിക്കുന്നത്. ജോൺ ഡോൺ ബോസ്കോ എങ്ങനെ മെന്റലിസ്റ്റായി, പ്രേതങ്ങളുമായുള്ള അദ്ദേഹത്തിന്റെ അനുഭവങ്ങളുമാണ് ഇപ്പോൾ പുറത്തിറങ്ങിയ ടീസറിൽ പറയുന്നത്. മികച്ച സ്വീകാര്യതായാണ് ടീസറിനു ലഭിക്കുന്നത്.

ക്യാരക്ടർ പോസ്റ്ററ്‍

ചിത്രത്തിലെ താരങ്ങളുടെ ക്യാരക്ടർ പോസ്റ്റർ പ്രേക്ഷകരുടെ ഇടയിൽ ഏറെ ശ്രദ്ധിക്കപ്പെട്ടിരുന്നു. പ്രക്ഷകരുടെ ഇടയിൽ ഒരു സസ്പെൻസ് സൃഷ്ടിക്കാൻ ക്യാരക്ടർ പോസ്റ്ററിനു കഴിഞ്ഞിട്ടുണ്ട്. ക്രസ്തുമാസ് റിലീസായി ഡിസംബർ 21 ന് ചിത്രം തിയേറ്ററുകളിലെത്തും. മെന്റലിസ്റ്റ് ജോൺ ബോസ്കോയ്കക് വേണ്ടിയുള്ള കട്ട കാത്തിരിപ്പിലാണ് ജനങ്ങൾ.

പുതിയ താരങ്ങൾ

പ്രേതത്തിന്റെ രണ്ടാം ഭാഗത്തിൽ പുതിയ താരങ്ങളാണ് അഭിനയിക്കുന്നത്. ആദ്യ ഭാഗത്തേതു പോലെ രണ്ടാം ഭാഗത്തിലും യുവതാരങ്ങളാണ് അണിനിരക്കുന്നുണ്ട്. ക്വീന്‍ ഫെയിം സാനിയ ഇയ്യപ്പന്‍, വിമാനം ഫെയിം ദുര്‍ഗ്ഗ കൃഷ്ണന്‍, ഡെയ്ന്‍ ഡേവിഡ്, സിദ്ധാര്‍ഥ് ശിവ, അമിത് ചക്കാലയ്ക്കല്‍, എന്നിവര്‍ മറ്റ് താരങ്ങൾ. വിഷ്ണു നാരായണനാണ് ചിത്രത്തിന്റെ ഛായാഗ്രഹണം‍. ഡ്രീംസ് ആന്റ് ബിയോണ്ടിന്റെ ബാനറില്‍ ജയസൂര്യയും രഞ്ജിത്ത് ശങ്കറും ചേര്‍ന്നാണ് നിര്‍മ്മാണം. ക്രിസ്മസ് റിലീസായിട്ടാണ് ചിത്രം തിയേറ്ററുകളിൽ എത്തുക.