ട്വന്‍റി ട്വന്‍റി ഷൂട്ടിങ്ങിനിടയിലെ ആ സംഭവം കാരണമാണ് ജോഷിയും ജയസൂര്യയും അകന്നത്!

ട്വന്റി ട്വന്റിയുടെ ഷൂട്ടിങ്ങിനിടയില്‍

മലയാള സിനിമയിലെ ഒട്ടുമിക്ക താരങ്ങളും അഭിനയിച്ച ചിത്രമായിരുന്നു ട്വന്റി ട്വന്റി. ചിത്രത്തില്‍ നയന്‍താരയുടെ നൃത്തം ഷൂട്ട് ചെയ്യുന്നതിനിടയിലുണ്ടായ സംഭവത്തെക്കുറിച്ചാണ് മണിയന്‍പിള്ള രാജു വിവരിക്കുന്നത്.

ജയസൂര്യയുടെ വിളി

നൃത്തരംഗം ചിത്രീകരിക്കുന്നതിനാല്‍ യുവതാരങ്ങളെല്ലാം സെറ്റിലുണ്ടായിരുന്നു. ഷൂട്ടിങ്ങിനിടയിലെ ഇടവേളകളില്‍ ജയസൂര്യ എടാ ജോഷി എന്തായെടാ വേഗമാകട്ടെ എന്നൊക്കെ വിളിച്ചു പറയുന്നുണ്ടായിരുന്നു.

വായും പൊളിച്ച് നില്‍ക്കാതെ വേഗം വാ

സെറ്റിലുള്ള ഒരു പയ്യന്‍ തന്റെ പേര് വിളിച്ച് ഡയലോഗ് അടിക്കുന്നത് സംവിധായകന്‍ ശ്രദ്ധിക്കുന്നുണ്ടായിരുന്നു. അതിനിടയിലാണ് വീണ്ടും ജയസൂര്യ ഡയലോഗ് അടിച്ചത്. വായും പൊളിച്ച് നില്‍ക്കാതെ വേഗം വാ ജോഷിയെന്നായിരുന്നു താരം പറഞ്ഞത്.

പ്രൊഡക്ഷന്‍ മാനേജരെ വിളിച്ച് ചോദിച്ചു

തന്റെ പേര് വിളിച്ച് വായില്‍ തോന്നിതയ് വിളിച്ച് പറയുന്ന സംഭവത്തെക്കുറിച്ച് അറിയുന്നതിനായി സംവിധായകന്‍ പ്രൊഡക്ഷന്‍ മാനേജരെ വിളിച്ചു. ജയസൂര്യ തന്റെ മേക്കപ്പ്മാനെ വിളിച്ചതാണെന്നും അയാളുടെ പേര് ജോഷിയാണെന്നുമായിരുന്നു പ്രൊഡക്ഷന്‍ മാനേജര്‍ പറഞ്ഞത്.

പേര് ചോദിച്ചപ്പോള്‍

മേക്കപ്പ്മാനെ വിളിച്ച് പേര് ചോദിച്ചപ്പോഴാവട്ടെ പേര് മുരളിയെന്ന് മാറ്റിപ്പറയുകയും ചെയ്തു. ജോഷി എന്ന പേര് പറഞ്ഞാല്‍ സംവിധായകന് ഇഷ്ടമായില്ലെങ്കിലോയെന്ന് കരുതിയാണ് പേര് മാറ്റിപ്പറഞ്ഞത്.

ജയസൂര്യയെ കണ്ടിട്ടില്ല

തന്നെ കളിയാക്കാന്‍ വേണ്ടി ജയസൂര്യ മനപ്പൂര്‍വ്വം ഒപ്പിച്ച പരിപാടിയാണെന്ന് ജോഷി വിശ്വസിക്കുന്നത് കൊണ്ടാണോയെന്നറിയില്ല പിന്നീട് ജോഷിയുടെ ഒരു പടത്തിലും ജയസൂര്യയെ കണ്ടിട്ടില്ലെന്ന് മണിയന്‍പിള്ള രാജു പറയുന്നു.