ആദം ജോണില്‍ അഭിനയിക്കാന്‍ ഭാവന വിസമ്മതിച്ചിരുന്നു, പൃഥ്വി പറഞ്ഞപ്പോഴാണ് സമ്മതിച്ചത്!

ഭാവനയ്ക്ക് താല്‍പര്യം ഉണ്ടായിരുന്നില്ല

ഹണിബീ 2 ഷൂട്ടിങ്ങ് പൂര്‍ത്തിയാക്കിയതിന് ശേഷം സിനിമകളൊന്നും ചെയ്യുന്നില്ലെന്ന തീരുമാനത്തിലായിരുന്നു ഭാവന. അതുകൊണ്ട് തന്നെ ഈ ചിത്രത്തിന്റെ കഥ കേള്‍ക്കാന്‍ പോലും ആദ്യം സമ്മതിച്ചിരുന്നില്ല.

പൃഥ്വിരാജ് വിളിച്ചപ്പോള്‍ സമ്മതിച്ചു

പൃഥ്വിരാജ് വിളിച്ചപ്പോഴാണ് ചിത്രത്തിന്റെ കഥ കേള്‍ക്കാന്‍ താരം തയ്യാറായതെന്നും സംവിധായകന്‍ പറയുന്നു. കഥ പറഞ്ഞു തുടങ്ങുന്നതിന് മുന്‍പ് തന്നെ ഇനി സിനിമകള്‍ സ്വീകരിക്കുന്നില്ലെന്ന് താരം വ്യക്തമാക്കിയിരുന്നു. കഥ മുഴുവനായപ്പോള്‍ ഭാവന തന്റെ തീരുമാനം മാറ്റുകയായിരുന്നു.

ഭാവന തന്നെ ചെയ്യണം

ശ്വേതയെന്ന കഥാപാത്രത്തെ ഭാവന തന്നെ അവതരിപ്പിക്കണം എന്നുണ്ടായിരുന്നു. തിരക്കഥ എഴുതുമ്പോഴേ താരമായിരുന്നു മനസ്സിലുണ്ടായിരുന്നത്. ഭവനയുടെ കരിയറില്‍ ലഭിച്ച വ്യത്യസ്തമായ കഥാപാത്രമായി ഇത് മാറുകയും ചെയ്തു.

ഒഴിവു കഴിവ് പറഞ്ഞ് മാറി നിന്നു

ജീന്‍ പോള്‍ ലാലിന്റെ ഹണിബീ2 ന് ശേഷം സിനിമയില്‍ നിന്നും വിട്ടു നില്‍ക്കാനായിരുന്നു ഭാവന തീരുമാനിച്ചത്. പൃഥ്വിരാജ് വിളിച്ചപ്പോഴും ഒഴിവുകഴിവുകള്‍ പറഞ്ഞ് മാറി നില്‍ക്കുകയായിരുന്നുവെന്ന് ഭാവന പറഞ്ഞു.

കഥ കേട്ടപ്പോള്‍ തീരുമാനം മാറ്റി

ആദം ജോണിന്റെ കഥ കേട്ടപ്പോഴാണ് താന്‍ തീരുമാനം മാറ്റിയതെന്ന് ഭാവന പറയുന്നു. ശ്വേത എന്ന കഥാപാത്രത്തെയാണ് താന്‍ അവതരിപ്പിച്ചത്. പതിവു നായികാ സങ്കല്‍പ്പങ്ങില്‍ നിന്നും മാറി ചിന്തിച്ചുന്ന വ്യത്യസ്തമായൊരു കഥാപാത്രമായിരുന്നു ഇത്. ഇത്തരത്തിലുള്ള കഥാപാത്രത്തെ മുന്‍പ് അവതരിപ്പിച്ചിട്ടുണ്ടായിരുന്നില്ല. അങ്ങനെയാണ് ചിത്രത്തില്‍ അഭിനയിക്കാന്‍ തീരുമാനിച്ചതെന്നും അഭിമുഖത്തില്‍ താരം വ്യക്തമാക്കി.

സംവിധായകന് നന്ദി

ചിത്രത്തില്‍ അഭിനയിക്കുന്നില്ലെന്ന് പറഞ്ഞ് മാറി നിന്ന തന്നെ സിനിമയുടെ ഭാഗമാക്കി കരയറിലെ മികച്ചൊരു കഥാപാത്രത്തെയും സമ്മാനിച്ച സംവിധായകനോട് എത്ര നന്ദി പറഞ്ഞാലും മതിയാവില്ലെന്നും ഭാവന പറയുന്നു.