ബാലേട്ടന്‌റെ ആ ആഗ്രഹം സഫലമാക്കണം, നടനെ കുറിച്ച് മനസുതുറന്ന് മാധ്യമപ്രവര്‍ത്തകന്‍

ബാലേട്ടന് ആ പുസ്തകം ആദരമാക്കണം, പ്രസാദകരെ ഒരു നിമിഷം..കോവിഡ് കാലത്ത് പൊളളാച്ചിയില്‍ ആയിരുന്നു ബാലേട്ടന്‍. ഇടയ്ക്ക് വിളിക്കും അഭിനയത്തെ കുറിച്ച് അതിലളിതമായ ഒരു പുസ്തകം, അതായിരുന്നു ലക്ഷ്യം. എഴുതികഴിഞ്ഞപ്പോള്‍ വിളിച്ചു. നീയൊരു പ്രസാധകനെ കണ്ടെത്തെടാ ഉവ്വേ. ശ്രീ പ്രമോദ് രാമന്‍ വഴി ചില പ്രമുഖ പ്രസാധകരുമായി സംസാരിച്ചു.

എല്ലാവരും റെഡിയാണ്. പക്ഷേ കോവിഡ് ഞാന്‍ കാര്യം ബാലേട്ടനെ അറിയിച്ചപ്പോള്‍ മറുപടി പതിവുപോലെ. മതിയെടാ ഞാന്‍ ചാകത്തൊന്നുമില്ല. ബാലേട്ടന്‍ മരിച്ചു. മകന്‍ ശ്രീകാന്തുമായി ഇടവിട്ട ദിവസങ്ങളില്‍ സംസാരിച്ചിരുന്നു. ഒരു മടങ്ങിവരവിന്‌റെ സാധ്യത ഒരിക്കല്‍ പോലും ഉദിക്കാതിരുന്നിട്ടും അസ്തമയമായില്ലെന്ന് വെറുതെ ആശിച്ചു.

കാറപകടത്തില്‍ പരിക്കേറ്റ സമയത്ത് ബാലേട്ടന്‍ കാറും പിടിച്ച് കാണാന്‍ വന്നിരുന്നു, നീ സമാധാനമായിരിക്കെടാ ഊവ്വേ. പഴയ ക്രൂരതയൊന്നും കാലനിപ്പോഴില്ല,. ഉണ്ട് ബാലേട്ടാ. പുനരധിവാസത്തില്‍ അച്ഛന്‍ വേഷം ചെയ്തത് ഒടുവില്‍ ഉണ്ണികൃഷ്ണന് പകരക്കാരനായിട്ടായിരുന്നു. അതിനെ കുറിച്ച് ഒരിക്കല്‍ ബാലേട്ടന്‍ പറഞ്ഞു.

കദളിപ്പഴം കിട്ടാത്തതിനാല്‍ പൂവന്‍പഴം കൊണ്ടൊരു പൂജ. കദളിപ്പഴമെന്ന് തിരിച്ചറിഞ്ഞവര്‍ കാഴ്ചയില്‍ കാര്‍ക്കശ്യം തോന്നിപ്പിച്ച പി ബാലചന്ദ്രനെ ബാലേട്ടനെന്ന് വിളിച്ചു. പോയത് ബാലേട്ടനാണ്. പൂര്‍ത്തിയാക്കിയ എഴുത്ത് നമുക്ക് പുസ്തകമാക്കണം. പ്രസാധകര്‍ വരിക തന്നെ ചെയ്യും. അതാവട്ടെ അദ്ദേഹത്തിനുളള സ്മാരകം.

Recommended Video

മമ്മൂക്കയുടെ വെളിപ്പെടുത്തൽ.. CBI 5 ഷൂട്ട് ചെയ്യാൻ പോവുകയാണ് | FilmiBeat Malayalam

അതേസമയം 69ാം വയസിലായിരുന്നു പി ബാലചന്ദ്രന്‌റെ അന്ത്യം. കഴിഞ്ഞ കുറച്ചുനാളുകളായി അസുഖങ്ങളാല്‍ ചികില്‍സയിലായിരുന്നു അദ്ദേഹം. 2019ല്‍ പുറത്തിറങ്ങിയ ടൊവിനോ തോമസ് ചിത്രം എടക്കാട് ബറ്റാലിയന് വേണ്ടിയാണ് അവസാനം തിരക്കഥയെഴുതിയത്. മമ്മൂട്ടിയുടെതായി അടുത്തിടെ റിലീസ് ചെയ്ത വണ്‍ എന്ന ചിത്രമാണ് അഭിനേതാവായി പി ബാലചന്ദ്രന്‌റെതായി അവസാനമായി പുറത്തിറങ്ങിയത്. ട്രിവാന്‍ഡ്രം ലോഡ്ജ്, അന്നയും റസൂലും, കമ്മട്ടിപ്പാടം, ഇമ്മാനുവല്‍, ചാര്‍ളി, ബ്യൂട്ടിഫുള്‍ തുടങ്ങിയവയാണ് അദ്ദേഹം അഭിനയിച്ച ശ്രദ്ധേയ ചിത്രങ്ങള്‍.