വ്യത്യസ്തമായ പ്രണയകഥ, മിലിട്ടറി പശ്ചാത്തലം, മണിരത്നത്തിന്‍റെ പുതിയ ചിത്രം പൊളിക്കും

ഗുരുവിന്റെ ചിത്രത്തിലെ നായകന്‍

ഗുരുതുല്യനായി കാണുന്ന മണിരത്‌നത്തിന്റെ സിനിമയില്‍ നായകനാകാന്‍ കഴിഞ്ഞതിന്റെ ത്രില്ലിലാണ് താനെന്ന് കാര്‍ത്തി പറഞ്ഞു. മാതൃഭൂമിക്ക് നല്‍കിയ അഭിമുഖത്തിലാണ് താരം കാര്യങ്ങള്‍ പങ്കുവെച്ചത്.

ക്ലാസിക് ലവ് സ്റ്റോറിയാണ്

പ്രണയ ചിത്രങ്ങളില്‍ തന്റേതായ കൈയ്യൊപ്പു പതിപ്പിച്ച മണിരത്‌നത്തിന്റെ പുതിയ ചിത്രത്തെക്കുറിച്ചും ആരാധകര്‍ക്ക് പ്രതീക്ഷകളേറെയാണ്. വ്യത്യസ്തമായ പശ്ചാത്തലത്തില്‍ വളരെ വ്യത്യസ്തമായൊരു പ്രണയ കഥയാണ് ചിത്രത്തിന്റേത്. ഒരു യുദ്ധ വിമാനത്തിന്റെ പൈലറ്റും ലേഡി ഡോക്ടറും തമ്മിലുള്ള പ്രണയമാണ് ചിത്രത്തിന്റെ ഇതിവൃത്തം.

കാര്‍ത്തിയും അതിഥിയും

വളരെ വ്യത്യസ്തമായ നായികാ കഥാപാത്രത്തെയാണ് അതിഥിയായി റാവു അവതരിപ്പിക്കുന്നത്. കാണാന്‍ വളരെ സോഫ്റ്റും എന്നാല്‍ മനോധൈര്യവുമുള്ള ലേഡി ഡോക്ടര്‍ കഥാപാത്രം. ഡോക്ടര്‍ കഥാപാത്രം.തന്റെ കഥാപാത്രത്തെ മികവുറ്റതാക്കാന്‍ തമിഴ് പഠിച്ച്, വളരെ പ്രതിപത്തിയോടെയും സമര്‍പ്പണ ബോധത്തോടെയുമാണ് അതിഥി അഭിനയിച്ചിരിക്കുന്നതെന്നും കാര്‍ത്തി പറഞ്ഞു.