ഹോം

വാർത്ത

ഒപ്പം അഭിനയിക്കുന്നവരെ മനസ്സിലാക്കുന്ന നായകനാണ് ഉലകനായകന്‍ കമല്‍ ഹസ്സന്‍ എന്നൊരു പറച്ചിലുണ്ട്. കാര്യം സത്യമാണ്. എന്തിനും പൂര്‍ണത വേണം എന്ന് ശാഠ്യമുള്ള കമല്‍ തന്റെ ഭാഗം ഭംഗിയാക്കുന്നതോടൊപ്പം സഹതാരങ്ങളെയും അതിനൊപ്പമെത്തിക്കാനെങ്കിലും ശ്രമിക്കാറുണ്ട്. ഇപ്പോഴിതാ പൂര്‍ണതയ്ക്ക് വേണ്ടിയും തന്റെ നായികമാര്‍ക്ക് വേണ്ടിയും താരം ഒരു ദുശ്ശീലം ഒഴിവാക്കിയിരിക്കുന്നു.

സാമാന്യം നല്ലവണ്ണം പുകവലിക്കുന്ന താരമാണ് കമല്‍ ഹസ്സന്‍. കമലിന്റെ പുതിയ ചിത്രങ്ങളിലെല്ലാം ഇപ്പോള്‍ ലിപ്പ് ലോക്ക് ചുംബനങ്ങളും പതിവാണ്. പകലുമുഴുവന്‍ പുകവലിച്ച് വൈകിട്ടത്തെ ഒരു കപ്പ് കാപ്പിക്ക് ശേഷമാണ് ചുംബന രംഗങ്ങള്‍ ചിത്രീകരിക്കുന്നതെങ്കില്‍ നായികമാരുടെ അവസ്ഥ എത്രത്തോളും ദുസ്സഹമായിരിക്കും എന്ന് ചിന്തിച്ചതോടെ താരം പുകവലി എന്ന ദുശ്ശീലത്തോട് വിടപറഞ്ഞത്രെ.

ആരോഗ്യത്തോടൊപ്പം വരാനിരിക്കുന്ന ചിത്രങ്ങളിലെ ചുംബന രംഗങ്ങള്‍ മുന്നില്‍ക്കണ്ടാണ് പുകവലി നിര്‍ത്തുക എന്ന ചിന്തയിലെത്തപ്പെട്ടത്. പതിനൊന്നാം വയസ്സുമുതല്‍ പുകവലി ശീലമാക്കിയ കമല്‍ സ്വയം നന്നാകുക മാത്രമല്ല, ഒപ്പമഭിനയിക്കുന്ന സഹതാരങ്ങളോട് പുകവലി നിര്‍ത്താനും ആവശ്യപ്പെട്ടിട്ടുണ്ടെന്നതാണ് രസം. ഭാര്യമാരെയും കാമുകിമാരെയും ഓര്‍ത്തെങ്കിലും പുകവലി നിര്‍ത്തൂ എന്നായിരുന്നത്രെ കമലിന്റെ അഭ്യര്‍ത്ഥന.