Click it and Unblock the Notifications
മലബാറില് മമ്മൂട്ടിക്കൊപ്പം കാവ്യ
തന്റെ ജന്മനാടായ നീലേശ്വരം സ്റ്റൈലിലാണ് കാവ്യ മലബാറില് ഡയലോഗുകള് പറയുക. സിനിമയിലെത്തി പത്ത് വര്ഷം കഴിഞ്ഞെങ്കിലും ഇതാദ്യമായാണ് കാവ്യയ്ക്ക് ഇങ്ങനെയൊരു അവസരം ലഭിയ്ക്കുന്നത്. ഇന്നസെന്റും ജഗതിയുമൊക്കെ തൃശൂര് തിരുവനന്തപുരം ഭാഷാശൈലി പ്രശസ്തമാക്കിയതു പോലെ തന്റെ നാട്ടിലെ ശൈലിയും നാലാളറിയണമെന്നാണ് കാവ്യയുടെ ആഗ്രഹം.
കാസര്കോട്ടെ ഗ്രാമമായ നീലേശ്വരത്തെ ഭാഷാപ്രയോഗങ്ങള് കേരളത്തിലെ മറ്റുഭാഗങ്ങളിലുള്ള കുറെപ്പേരെങ്കിലും കേട്ടിട്ടുണ്ടാവും. താനഭിയിക്കുന്ന മലബാറിലൂടെ ഇത് കൂടുതല് പ്രചാരത്തിലെത്തണമെന്നാണ് നടിയുടെ ആഗ്രഹം.
താന് ഈ ശൈലിയില് സംസാരിയ്ക്കുന്നതെന്ന കാര്യം സിനിമാരംഗത്തെ എല്ലാവര്ക്കുമറിയാം. അതിനാലാണ് രഞ്ജിത്ത് തന്നെ തേടിയെത്തിയതെന്നും കാവ്യ വിശ്വസിയ്ക്കുന്നു. കേരളത്തിന്റെ മറ്റുഭാഗങ്ങളില് താമസിയ്ക്കുന്നവര്ക്ക് നീലേശ്വരം സ്ലാങ് പെട്ടെന്ന് പിടികിട്ടില്ലെന്നും കാവ്യ മുന്നറിയിപ്പ് നല്കുന്നുണ്ട്.
Continue with Google