മഹേഷ് നാരായണന്റെ ടേക്ക് ഓഫില്‍ അഭിനയിക്കാന്‍ കുഞ്ചാക്കോ ഒറ്റ പൈസ പോലും വാങ്ങുന്നില്ല!

പ്രതിഫലം വാങ്ങുന്നില്ല

ചിത്രത്തില്‍ അഭിനയിക്കാന്‍ കുഞ്ചാക്കോ ബോബന്‍ ഒരു പൈസ പോലും വാങ്ങിയിട്ടില്ലെന്ന് നിര്‍മാതാവ് ആന്റോ ജോസഫ്. രാജേഷ് പിള്ളയെ സ്‌നേഹിക്കുന്നവരില്‍ പലരും സഹകരിക്കാന്‍ മുന്നോട്ട് വരികയായിരുന്നവെന്ന് ആന്റോ ജോസഫ് പറഞ്ഞു.

നിവിന്‍ പോളിയും മുന്നോട്ട് വന്നു

ചിത്രത്തിന്റെ പ്രചാരകന്‍ നിവിന്‍ പോളിയാണ്. ഞാന്‍ ചെയ്യാമെന്നേറ്റ് നിവിന്‍ പോളി തന്നെ മുന്നോട്ട് വരികയായിരുന്നുവെന്ന് ആന്റോ ജോസഫ് പറയുന്നു.

ഫഹദ് ഫാസില്‍

ഇന്ത്യന്‍ എംബസിയിലെ ഒരു അംബാസിഡറുടെ വേഷത്തിലാണ് ചിത്രത്തില്‍ ഫഹദ് ഫാസില്‍ അഭിനയിക്കുന്നത്. റാസല്‍ ഖൈമയാണ് ചിത്രത്തിന്റെ പ്രധാന ലൊക്കേഷന്‍. ഹൈദരബാദ്, കൊച്ചി എന്നിവടങ്ങളിലും ചിത്രീകരക്കുന്നുണ്ട്.

പാര്‍വ്വതി

ചാര്‍ലി, എന്ന് നിന്റെ മൊയ്തീന്‍ എന്നീ ചിത്രങ്ങള്‍ക്ക് ശേഷം പാര്‍വ്വതി ശക്തമായ നായിക വേഷത്തില്‍ എത്തുന്ന ചിത്രം കൂടിയാണിത്. ജനുവരിയില്‍ ചിത്രം തിയേറ്ററുകളില്‍ എത്തുമെന്ന് പറഞ്ഞിരുന്നുവെങ്കിലും റിലീസ് ഡേറ്റ് ഇതുവരെ പുറത്ത് വിട്ടിട്ടില്ല.

നിര്‍മാണം

രാജേഷ് പിള്ള ഫിലിംസിന്റെ ബാനറില്‍ ആന്റോ ജോസഫും ഷെബിന്‍ ബെക്കറും ചേര്‍ന്നാണ് ചിത്രം നിര്‍മിക്കുന്നത്.